Patakaran Sa Refund Ng Epic Games Store

Kung bumili ka kamakailan sa pamamagitan ng Epic Games Store sa PC, Mac, o mobile (iOS o Android) at gusto mo ng refund, nasa tamang lugar ka! Sa ibaba makikita mo ang lahat ng impormasyon sa kung ano ang puwede mong i-refund, kung kailan ka puwedeng mag-refund, at kung paano simulan ang proseso.

Kung isa kang consumer na naninirahan sa EU, karaniwang may legal na karapatan kang umatras sa iyong pagbili. Wala sa patakarang ito ang naglalayong limitahan ang iyong legal na karapatang umatras; gayunman, puwedeng hilingin sa iyo na talikdan ang iyong karapatang umatras sa oras ng pagbili. Para malaman pa ang tungkol dito, mag-right click dito. 

Ano ba ang saklaw ng patakarang ito?

Umaangkop ang patakarang ito sa lahat ng pagbili kung saan dadaan ka sa pag-check out sa Epic sa PC, Mac, at mobile (iOS at Android). Nangangahulugang umaangkop din ito sa mga pagbili sa loob ng laro gamit ang tunay na pera sa Fortnite, Fall Guys, at Rocket League sa PC, Mac, at mobile dahil pinapagana ng Epic Games Store ang mga ito. Hindi makakapagbigay ng mga refund ang Epic para sa mga pagbiling ginawa sa labas ng Epic Games Store. Pinamamahalaan ng patakaran sa refund ng iyong binilhan ang mga pagbili gamit ang totoong perang dumadaan sa pag-check out sa third-party mobile store, console store, o sa loob ng laro/app, kung saan gumagamit ang developer ng sarili niyang provider ng pagbabayad.

Paano ko malalaman kung mare-refund ang binili ko?

May markang “self-refundable”, “refundable”, o “non-refundable” ang mga pagbili. Karaniwan, self-refundable o refundable ang mga binayarang laro, habang karaniwang hindi nare-refund ang mga subskripsyon, pagbili sa loob ng app, item sa loob ng laro, nakokonsumong digital item, at virtual na currency (maliban kung hinihingi ng naaangkop na batas). Hindi nare-refund ang mga biniling regalo.

Kailan kwalipikado ang mga pagbili para sa refund?

Kwalipikado ang mga produkto ng PC at Mac para sa refund sa loob ng 14 na araw ng pagbili (o 14 na araw pagkatapos i-release para sa mga pre-purchase) kung may markang “refundable” o “self-refundable” ang mga ito. Gayunman, dapat na wala pang 2 oras ang runtime na naitala mo. 

Kwalipikado ang mga mobile na produkto (iOS at Android) para sa refund sa loob ng 2 oras ng pagbili kung may markang “refundable” o “self-refundable” ang mga ito.

Hindi ka magiging kwalipikado sa mga refund para sa mga produktong na-ban ka o nilabag mo ang mga tuntunin. Dagdag pa, maaaring hindi ka kwalipikado para sa mga refund kung matukoy ng Epic na inaabuso mo ang patakaran sa refund tulad ng paulit-ulit na pagbili at pag-refund ng parehong produkto.

Paano ba ako makakahiling ng refund?

Ang mga “Self-refundable” na pagbili ay puwedeng i-refund sa pamamagitan ng self-service. Mag-sign in sa www.epicgames.com, pumunta sa page na Mga Transaksyon, at i-click ang biniling gusto mong i-refund. Kung kwalipikado sa self-service refund ang binili mo, i-click ang button na “Refund” para simulan ang proseso ng pag-refund.

Para humiling ng refund sa mga biniling may markang “refundable”  o kung may mga tanong ka tungkol sa proseso ng pag-refund:

• Sa Launcher ng Epic Games Store, pumunta sa dropdown ng iyong account sa kanang tuktok, i-click ang “Mga Setting”, saka “Suporta”, at mag-scroll pababa sa “Makipag-ugnayan sa Amin”.
• Sa Epic Games Store sa mobile, pumunta sa icon na “Account” sa kanang tuktok, saka “Suporta”, mag-click sa seksyong “Epic Games Store”, at mag-scroll pababa sa “Makipag-ugnayan sa Amin”.  
• Maaari ka ring direktang pumunta sa aming form ng Kahilingan sa Suporta.

Paano ko ba makukuha ang refund ko?

Ire-refund ang mga binili sa paraan ng pagbabayad na ginamit sa pagbili hangga't maaari. Puwede rin kayong magkasundo ng Epic na ihatid ang refund sa ibang paraan ng pagbabayad. Depende sa iyong paraan ng pagbabayad ang oras ng pagproseso ng refund.

Paano naman ang mga pre-purchase sa PC/Mac?

Ang pamantayan sa refund para sa mga pre-purchase ay nakadepende sa uri ng produkto, runtime, at petsa ng release. Maaari mong i-refund ang anumang pre-purchase na “self-refundable” anumang oras bago ilabas ang produktong iyon sa pamamagitan ng pagsunod sa mga tagubilin sa itaas (sa ilalim ng “Paano ba ako makakahiling ng refund?”).  

Pagkatapos ma-relese ang pre-purchase na produkto, ang aming karaniwang patakaran sa refund sa itaas (sa ilalim ng “Anong mga produkto ba ang kwalipikado para sa refund?”) ang malalapat. Para maiwasan ang panloloko at pang-aabuso sa sistema ng self-refund, hindi self-refundable ang ilang pre-purchase; halimbawa, mga pagbili kabilang ang virtual na currency o mga nakokonsumong digital na item.  

Paano naman ang tungkol sa early access o mga beta na bersyon ng PC/Mac na pre-purchased na produkto?

Para ma-refund ang early access o mga beta na bersyon ng mga produkto, kailangang wala pang 2 oras ang runtime na naitala mo.

Paano naman ang mga pre-purchased bundle ng PC/Mac na may kasamang mga na-release na laro?

Para ma-refund ang pre-purchased bundle na may markang “refundable” o “self-refundable”, kailangang wala pang 2 oras ang runtime naitala mo sa lahat ng produkto sa loob ng bundle na iyon. Kung may kasama ring virtual na currency ang bundle o iba pang nakokonsumong digital na item, maaari itong mamarkahan na “non-refundable” at hindi kwalipikado para sa refund.

Paano kung nag-sale ang isang produktong binili ko kamakailan?

Kung nag-sale ang kamakailan mong pagbili at kwalipikado pa rin ito para sa refund, puwede mong i-refund ang iyong binili sa buong halaga at agad na bilhin ulit ang produkto. Hindi namin ito itinuturing na pag-abuso sa refund.  

Maaari ba akong humiling ng refund sa isang regalo?

Kung ikaw ang nagpadala ng regalo, hindi ka maaaring humiling ng refund para dito.  Awtomatikong ibabalik ang bayad sa iyong paraan ng pagbabayad kung tatanggihan ng tatanggap ang regalo o kung pagmamay-ari na ng tatanggap ang produkto at hindi na matatanggap ang regalo.

Kung ikaw ang tatanggap ng regalo, maaari mong tanggihan ang regalo, na awtomatikong ire-refund sa nagpadala.

Kung bumili ako gamit ang aking Epic account balance, puwede ba akong humiling ng refund?

Oo. Kung bumili ka gamit ang iyong Epic account balance, maaari kang humiling ng refund para sa mga kwalipikadong pagbili. Para sa karagdagang impormasyon, tingnan ang aming Epic account balance na mga tuntunin at kundisyon.

Maaari ko bang i-refund ang balance sa aking account sa Epic?

Hindi. Hindi nare-refund ang mismong Epic account balance (maliban kung hinihingi ng naaangkop na batas). Walang katumbas sa totoong currency ang Epic account balance at hindi napapalitan ng cash.  Tingnan ang aming Epic account balance na mga tuntunin at kundisyon para sa higit pang impormasyon.  

Kung bumili ako gamit ang balance ko sa Mga Reward ng Epic, puwede ba akong humiling ng refund?

Oo. Kung na-refund ang isang produktong binili gamit ang Mga Reward ng Epic, ike-credit ulit ang na-refund na halaga sa iyong balance sa Mga Reward ng Epic. Kung nag-expire na ang Mga Reward ng Epic na iyon sa oras ng iyong pag-refund, maaaring piliin ng Epic, sa pagpapasya nito, na patagalin ang petsa ng pag-expire para sa Mga Reward ng Epic.