PATAKARAN SA PAGKAPRIBADO NG EPIC GAMES
Huling Na-update: Nobyembre 28, 2025
Welcome sa Epic!
Kung isa kang batang user, mangyaring tingnan ang aming Impormasyon sa Pagkapribado para sa Mga Batang Player.
Kung ikaw ang magulang/tagapag-alaga ng batang user, mangyaring tingnan ang Seksyon 2 (Paano Namin Ipinoproseso ang Impromasyon ng Mga Bata?).
Ang punong tanggapan ng Epic Games, Inc. ay nasa Cary, North Carolina. Kami at ang aming mga subsidiary ay may mga opisina at operasyon sa iba’t ibang panig ng mundo na tumutulong sa paglikha at paghahatid ng ilan sa iyong mga paboritong produkto at serbisyo, kabilang ang mga laro tulad ng Fortnite at mga tool sa pagde-develop tulad ng Unreal Engine.
Inilalarawan ng Patakaran sa Pagkapribado na ito ng Epic Games (ang “Patakaran” na ito) ang iba’t ibang paraan kung paano namin maaaring kolektahin, gamitin, i-secure, panatilihin, ihayag, at iproseso ang impormasyon na maaaring magamit upang matukoy ka sa, sa pamamagitan ng, o kaugnay ng Mga Serbisyo ng Epic (binibigyang-kahulugan sa ibaba).
Mangyaring basahin nang mabuti ang buong Patakarang ito at anupamang kasunduan na nalalapat sa paggamit mo ng Mga Serbisyo ng Epic, at kumpirmahing nauunawaan mo at sumasang-ayon ka sa mga ito bago gamitin ang anumang Serbisyo ng Epic. Kung mayroon kang kahit anong tanong, maaari kang makipag-ugnayan sa amin anumang oras gamit ang impormasyon sa pakikipag-ugnayan na nakalista sa Seksyon 12 (Paano Ka Maaaring Makipag-ugnayan sa Amin?).
Kapag binanggit namin ang “Epic” (o anumang katulad na salita tulad ng “kami,” “namin,” o “amin”) sa Patakarang ito, tinutukoy namin ang entidad na Epic na may kontrol at pananagutan sa iyong impormasyon, tulad ng Epic Games, Inc. at mga subsidiary at affiliate nito na nagbibigay ng Mga Serbisyo ng Epic. Nalalapat ang Patakarang ito kapag nagsisilbing data controller ng iyong impormasyon ang Epic. Makikita mo ang mga detalye tungkol sa data controller na may pananagutan sa iyong impormasyon sa Seksyon 12 (Paano Ka Maaaring Makipag-ugnayan sa Amin?).
Ginagamit namin ang terminong “Mga Serbisyo ng Epic” upang ilarawan ang anumang produkto o serbisyo ng Epic na direktang naka-link sa Patakarang ito, kabilang ang:
• aming mga laro (hal., Fortnite, Rocket League, Fall Guys, at Horizon Chase 2);
• aming mga marketplace (hal., Epic Games Store at Fab);
• aming mga tool ng developer (hal., Unreal Engine, MetaHuman, at Unreal Editor Para sa Fortnite);
• aming mga application (hal., Postparty);
• aming mga website at mga kaukulang subdomain ng mga ito (hal., www.epicgames.com, www.fortnite.com, www.rocketleague.com, at www.fallguys.com); at
• mga live na kaganapan kung saan naka-post ang Patakarang ito.
Tandaang ang paggamit mo sa Mga Serbisyo ng Epic ay napapailalim din sa mga karagdagang tuntunin at kondisyon. Halimbawa, dapat mong suriin at sang-ayunan ang Mga Tuntunin ng Serbisyo ng Epic Games para maglaro ng Fortnite, Rocket League, Fall Guys, at Horizon Chase 2.
Idinisenyo namin ang Mga Serbisyo ng Epic upang maging angkop sa lahat ng user na iba’t iba ang edad sa buong mundo. Nangangahulugan itong kinokolekta namin ang impormasyon tungkol sa edad ng mga user, at magbibigay ang ilang Serbisyo ng Epic ng ibang karanasan batay sa nalalaman namin tungkol sa edad ng isang user at kung saan siya nakatira. Ang impormasyong nasa ibaba ay para maunawaan ng mga magulang/tagapag-alaga ang aming mga kagawian sa pagkapribado kaugnay ng mga bata (edad 13 pababa o ang edad ng digital na pahintulot sa rehiyon ng user, alinman ang mas mataas).
Kapag tinukoy ng isang user na siya ay isang bata, ilalagay siya sa isang “Pambatang Account” hanggang sa hindi na siya itinuturing na bata gaya ng inilalarawan sa itaas o hanggang sa magbigay ng karagdagang pahintulot sa pagkapribado ang kanyang magulang/tagapag-alaga at i-enable niya ang mga pagkontrol ng magulang. Ang mga Pambatang Account ay maaaring maglaro ng mga laro ng Epic (hal., Fortnite, Rocket League, o Fall Guys), ngunit naka-disable ang mga tampok tulad ng voice chat at mga pagbili gamit ng tunay na pera. Ang Epic ay nangongolekta ng limitadong personal na impormasyon mula sa mga Pambatang Account upang mapatakbo ang mga ito, at sinusunod nito ang mga naaangkop na batas sa pagkapribado at proteksyon ng kabataan sa bawat sitwasyong ito:
• petsa ng kapanganakan at bansa ng user upang matukoy ang edad at malapat ang mga naaangkop na setting;
• email address ng user para sa pag-sign in (na naka-store lamang sa anyong hashed at salted na hindi nababasa);
• mga permanenteng identifier ng user tulad ng IP address, mga gaming platform account ID, mga device ID, at katulad na data na nakolekta gamit ang mga teknolohiya sa pagsubaybay sa website upang maibigay at mapanatili ang Mga Serbisyo ng Epic (kabilang ang analytics para sa pagpapabuti sa mga ito), protektahan ang seguridad at integridad ng mga user, sumunod sa mga kinakailangan ng batas at regulasyon, at pangasiwaan ang in-game na pag-personalize upang mapanatili ang mga kagustuhan na batay sa gumagamit (hal., advancement ng laro at gustong avatar); at
• email address ng magulang/tagapag-alaga upang magpadala ng abiso at humingi ng pahintulot para sa mga karagdagang tampok (na tatanggalin kung hindi sasagot ang magulang/tagapag-alaga sa loob ng 14 na araw).
Kung makikipag-ugnayan sa amin ang isang user na may Pambatang Account para sa isang tanong o kahilingan, tatanggalin ang anumang personal na impormasyong ibibigay matapos masagot ang inquiry. Kapag external naming inihayag ang personal na impormasyon ng aming mga Pambatang Account, tinutulungan kami nitong maisakatuparan ang mga limitadong layuning ito (hal., sa mga console upang makatulong sa pagpapatakbo ng laro, o sa aming mga cloud storage provider). Alamin pa ang tungkol sa mga Pambatang Account.
A. Abiso, Pahintulot, at Mga Pagkontrol ng Magulang
Kinokolekta namin ang email address ng magulang/tagapag-alaga ng isang batang user upang magpadala sa magulang/tagapag-alaga ng abiso sa email na gumawa ang bata ng Pambatang Account. Binibigyang-daan din sila ng abisong ito na suriin ang aming mga kagawian sa pagkapribado para sa mga hindi Pambatang Account, magbigay ng pahintulot sa isang hindi Pambatang Account upang ma-enable ng kanyang anak ang mga karagdagang tampok, at i-set up ang mga pagkontrol ng magulang. Mangyaring tandaang kailangang kumpletuhin ang mga magulang/tagapag-alaga ang aming proseso ng pag-verify ng magulang upang makapagbigay ng pahintulot sa isang hindi Pambatang Account.
Ginagamit namin ang Kids Web Services (“KWS”), isang serbisyong iniaalok ng aming subsidiary na Kids Web Services Ltd, para sa pag-verify ng edad ng magulang/tagapag-alaga at ng user. Alamin pa ang tungkol sa Nave-verify na Pahintulot ng Magulang. Kapag na-verify na ang email address, matutukoy ito ng KWS sa iba pang laro o serbisyong pinapatakbo ng teknolohiya ng KWS, kaya hindi na kailangang i-verify ito ulit. Alamin pa ang tungkol sa KWS.
Kapag nagbigay ng pahintulot ang magulang/tagapag-alaga para sa isang hindi Pambatang Account para sa kanyang anak, awtomatikong nae-enable ang mga pagkontrol ng magulang. Pagkatapos ay maa-access ang mga pagkontrol ng magulang gamit ang PIN code at papayagan ang magulang/tagapag-alaga na suriin at baguhin ang mga setting ng tampok na napili sa daloy ng pahintulot at mas mako-customize niya ang karanasan ng kanyang anak. Alamin pa ang tungkol sa Mga Pagkontrol ng Magulang.
Kapag pinahintulutan ng magulang/tagapag-alaga ang hindi Pambatang Account para sa anak niya, karaniwang nalalapat dito ang mga kagawian sa pagkapribadong inilalarawan sa iba pang bahagi ng Patakarang ito, ngunit maaaring hindi ma-access ng mga mas batang user ang lahat ng content o tampok (dahil sa aming mga default na setting ng pagkapribado, kinakailangan sa edad para sa ilang partikular na serbisyo at tampok, at/o mga pagkontrol ng magulang na ipinapatupad). Halimbawa, depende sa mga setting ng pagkontrol ng magulang at sa edad ng user, magagawa ng mga user na i-access ang mga tampok sa komunikasyon (tulad ng voice at text chat) at makipag-ugnayan sa karamihan ng Mga Serbisyo ng Epic (kabilang ang pag-download ng iba pang laro o app mula sa Epic Games Store). Kapag nag-access ang isang user ng ikatlong-partidong laro o app sa pamamagitan ng Epic Games Store, inihahayag ang ilang impormasyon ng account sa publisher at developer ng laro o app na iyon upang ma-enable ang transaksyon at mga tampok ng produkto. Makikita ang impormasyon ng developer at publisher sa listing ng produkto o sa aming Index. Para sa mga karagdagang detalye tungkol sa aming mga kagawian sa pagkapribado, mangyaring tingnan ang Seksyon 3 (Anong Impormasyon ang Kinokolekta Namin at Paano Namin Ito Kinokolekta?), 4 (Bakit Namin Ipinoproseso ang Impormasyon?), at 5 (Kanino Namin Inihahayag ang Impormasyon?). Kung mayroon kang anumang tanong tungkol sa paghahayag ng Epic ng personal na impormasyon, mangyaring makipag-ugnayan sa amin gamit ang impormasyon sa pakikipag-ugnayan na nakalista sa Seksyon 12 (Paano Ka Maaaring Makipag-ugnayan sa Amin?).
B. Mga Karapatan sa Pagkapribado ng Bata at Magulang/Tagapag-alaga
Bukod pa sa mga pagkontrol ng magulang na nagbibigay-daan sa mga magulang/tagapag-alaga na baguhin ang mga pagpiling ginawa nila tungkol sa paggamit ng kanyang anak ng mga partikular na tampok tulad ng voice at text chat, magagamit ng mga batang user at ng kanilang mga magulang/tagapag-alaga ang kanilang mga indibidwal na karapatan sa pagkapribado gaya ng inilalarawan sa Seksyon 9 (Anong Mga Pagpili at Kontrol ang Mayroon Ka?). Kabilang sa mga karapatang iyon ang karapatang suriin ang personal na impormasyon ng kanilang anak na pinapanatili ng Epic at tanggalin ang account sa Epic ng kanyang anak (na nagtatanggal ng kanyang personal na impormasyon at nagpapahinto sa patuloy na pagkolekta). Para gamitin ang mga karapatang iyon o magtanong ng kahit ano tungkol sa kung paano namin pinapangasiwaan ang personal na impormasyon ng mga bata, mangyaring gamitin ang impormasyon sa pakikipag-ugnayan na nakalista sa Seksyon 12 (Paano Ka Maaaring Makipag-ugnayan sa Amin?) o dumiretso sa aming Form ng Paghiling ng Suporta ng Magulang.
Ang mga uri ng impormasyong kinokolekta namin ay nakadepende sa kung paano ka nakikipag-ugnayan sa Mga Serbisyo ng Epic. Sa pangkalahatan, nangongolekta kami ng impormasyon sa tatlong paraan: A) kapag ibinigay mo ito sa amin, B) awtomatiko kapag ginamit mo ang Mga Serbisyo ng Epic, at C) mula sa mga ikatlong-partido.
Idinisenyo ang Patakarang ito upang tulungan kang maunawaan kung paano namin pinapangasiwaan ang impormasyon na maaaring magamit upang matukoy ka. Sa ilang sitwasyon, maaari din kaming gumawa o mangolekta ng impormasyong hindi partikular na tumutukoy sa iyo, tulad ng impormasyong inalisan ng pagkakakilanlan o pinagsama-samang impormasyon. Kung pagsasamahin namin ang ganitong uri ng impormasyon at ang impormasyong tumutukoy sa iyo, ituturing namin ang pinagsamang impormasyon bilang impormasyong magagamit upang matukoy ka alinsunod sa Patakarang ito.
A. Ang Impormasyong Ibinibigay Mo
Maaaring kang magbigay sa amin ng iba’t ibang uri ng impormasyon depende sa kung paano mo ginagamit ang Mga Serbisyo ng Epic. Sa ilang sitwasyon, hihiling kami sa iyo ng partikular na impormasyon dahil kailangan namin ito para sa Mga Serbisyo ng Epic o sa mga kaukulang tampok ng mga ito. Kung pipiliin mong hindi ibigay ang hinihiling na impormasyon, maaaring hindi mo ma-access ang Mga Serbisyo ng Epic na iyon o maaaring hindi gumana nang maayos ang mga tampok. Halimbawa:
• Kapag in-access mo ang Mga Serbisyo ng Epic, maaari naming kolektahin ang iyong petsa ng kapanganakan upang matukoy ang edad at mailapat ang mga naaangkop na setting, at kung isasaad mo na ikaw ay isang batang user, kokolektahin din namin ang email address ng iyong magulang/tagapag-alaga upang magbigay ng abiso at hingin ang kanyang pahintulot sa mga karagdagang tampok.
• Kapag gumawa ka ng account sa Epic, maaari naming kolektahin ang pangunahing impormasyon sa pagpaparehistro (hal., pangalan, display na pangalang nakikita ng publiko, password, bansa, at email address) upang gumawa at mapanatili ang iyong account, maibigay ang Mga Serbisyo ng Epic na hiniling mo, maipatupad ang anumang tuntunin o patakarang nalalapat at namamahala sa iyong paggamit ng Mga Serbisyo ng Epic, at panatilihin ang mga naaangkop na tala upang maipakita kung paano namin inihahatid sa iyo ang Mga Serbisyo ng Epic.
• Kapag bumili ka sa Epic Games Store, depende sa kung aling paraan ng pagbabayad ang gagamitin mo, maaari naming kolektahin ang iyong impormasyon sa pagbabayad (hal., credit card number at petsa ng pag-expire, pangalan, at impormasyon ng rehiyon) upang makumpleto ang transaksyon.
• Kapag nag-sign up ka para sa mga alerto sa email, kinokolekta namin ang iyong email address upang palagi kang masabihan tungkol sa mga update kung saan ka nag-opt in.
• Kapag na-enable mo ang dalawang hakbang na pagpapatunay (two-factor authentication), depende sa kung aling paraan ng pagpapatunay ang ginagamit mo, maaari naming kolektahin ang iyong numero ng telepono at email address upang makatulong na i-secure ang iyong account.
• Kapag gumamit ka ng mga tampok sa pakikipag-ugnayan tulad ng aming mga forum o chat, maaari naming kolektahin ang impormasyong pipiliin mong ibahagi sa o sa pamamagitan ng mga ito (hal., ang mga post na ibinabahagi mo sa aming mga forum). Kung gagamitin mo ang aming voice chat tampok at naka-enable ang pag-uulat ng voice sa isang voice channel, ang mga snippet ng voice chat audio ay iso-store sa iyong device at sa mga device ng mga kalahok sa voice channel. Kung may naiulat na paglabag sa aming mga tuntunin o patakaran (hal., Mga Panuntunan ng Komunidad), maaaring ipadala ang mga snippet na ito sa Epic upang suriin ang iniulat na paglabag at ipatupad ang aming mga tuntunin at patakaran.
• Kapag gumamit ka ng mga tampok ng pinapagana ng AI (hal., Epic Developer Assistant), ginagamit namin ang iyong mga input (hal., impormasyong isinumite mo na maaaring tumukoy sa iyo) upang bumuo ng mga output (hal., mga tugon).
• Kapag ginamit mo ang MetaHuman upang gumawa ng mga in-game na karakter, kinokolekta namin ang mga larawan ng iyong mukha upang bumuo ng face mesh para lang maibigay ang hinihiling na functionality, hindi para matukoy ka.
• Kapag ginamit mo ang iba pa naming tool para sa pag-develop, kinokolekta namin ang impormasyon, kabilang ang anumang content, na ginawa at nai-publish mo.
• Kapag sumali ka sa isang contest o competitive event, o nakiisa ka sa aming mga programa gaya ng Sumuporta-Ng-Creator o Creator ng Isla, maaari naming kolektahin ang impormasyon ng iyong aplikasyon at iba pang impormasyong ibibigay mo sa amin upang kumpirmahin ang iyong pagiging kwalipikado at iproseso ang mga payout.
• Kapag nagparehistro ka para sa aming mga event o maagang access sa aming mga laro, kinokolekta namin ang iyong impormasyon sa pagpaparehistro.
• Kapag nagsumite ka ng kahilingan sa pagtatanggal, kinokolekta namin ang impormasyong ibibigay mo (hal., pangalan, mga detalye sa pakikipag-ugnayan, lagda, at katibayang sumusuporta sa iyong claim upang masuri at matugunan ang mga kahilingang iyon).
• Kapag sinagutan mo ang aming mga survey o talatanungan, maaari naming kolektahin ang iyong mga tugon at puna.
• Kapag nakipag-ugnayan ka sa amin sa pamamagitan ng suporta sa player o iba pang channel para sa suporta, kokolektahin namin ang iyong mensahe at impormasyon sa pakikipag-ugnayan.
B. Ang Impormasyon na Awtomatiko Naming Kinokolekta
Awtomatiko kaming nangongolekta ng ilang impormasyon kapag binisita, in-access, o ginamit mo ang Mga Serbisyo ng Epic. Kabilang dito ang impormasyon tulad ng iyong gameplay o paggamit ng application na karaniwang nauugnay sa iyong account sa Epic account, iyong ikatlong-partidong account (kung ina-access mo ang Mga Serbisyo ng Epic sa pamamagitan nito), o isang identifier na itinalaga namin sa iyong device o profile. Bagama’t maaaring iba't iba ang mga partikular na uri ng impormasyon na awtomatikong kinokolekta namin, karaniwan itong kinabibilangan ng:
• impormasyon sa paggamit at istatistika kung paano ka nakikipag-ugnayan sa Mga Serbisyo ng Epic, kabilang ang application o larong ginamit, kung gaano katagal mo itong nilaro at kailan, bilang ng mga pagsubok sa gameplay, pag-usad at mga resulta, mga naka-save na kagustuhan (hal. wika), mga ulat ng pag-crash, mga URL ng mga website naming binisita mo, mga URL ng pinanggalingan at nilabasan mong page, bilang ng mga pagtingin sa page, tagal ng pananatili sa isang page, bilang ng mga pag-click, at uri ng platform;
• teknikal na impormasyon tungkol sa computer, device, hardware, o software na ginagamit mo upang ma-access ang Mga Serbisyo ng Epic, kabilang ang IP address, device ID, internet service provider, mga plugin sa browser, at iba pang pantransaksyon o pantukoy na impormasyon (hal., make at model ng device, operating system, uri ng browser, at iba pang detalyeng nauugnay sa system); at
• pangkalahatang impormasyon ng lokasyon tungkol sa iyong device, na karaniwang natutukoy mula sa IP address nito.
Gumagamit ang Mga Serbisyo ng Epic ng mga teknolohiya gaya ng cookies, log files, at web beacons upang awtomatikong mangolekta ng mga nabanggit na uri ng impormasyon. Maaaring lumikha ang ilan sa mga teknolohiyang ito ng maliliit na file o mga tool para sa pagpapanatili ng tala na naka-store sa iyong device. Tinutulungan kami ng mga teknolohiyang ito na matukoy ang iyong device at mangolekta ng impormasyon tungkol sa iyong mga pakikipag-ugnayan sa Mga Serbisyo ng Epic, at ginagamit namin ang impormasyong iyon upang, halimbawa, maibigay at mapatakbo ang Mga Serbisyo ng Epic (hal., i-authenticate ka at i-save ang mga kagustuhan); masubaybayan ang Mga Serbisyo ng Epic (hal., tumuklas at mag-ulat ng mga pag-crash); maunawaan at mapahusay ang Mga Serbisyo ng Epic (hal., magsagawa ng data analytics); ma-personalize ang Mga Serbisyo ng Epic (hal., magpakita ng mga lokal na currency); at ma-promote ang Mga Serbisyo ng Epic (hal., pamahalaan ang pag-advertise).
Kapag ang mga tampok ng Mga Serbisyo ng Epic ay ibinibigay ng mga ikatlong-partido, maaaring gumamit rin ang mga ikatlong-partidong iyon ng mga teknolohiya sa awtomatikong pagkolekta ng data at mangolekta ng impormasyon tungkol sa paggamit mo ng Mga Serbisyo ng Epic, ng mga serbisyo nito, o ng mga website ng iba sa paglipas ng panahon. Halimbawa, kapag gumamit ka ng Mga Serbisyo ng Epic (hal., Unreal Engine) na may ikatlong-partidong software, maaaring kolektahin ng mga ikatlong-partidong iyon ang iyong impormasyon sa pamamagitan ng kanilang mga teknolohiya. Ang mga tampok na ibinibigay ng mga ikatlong-partido ay napapailalim sa kanilang mga naaangkop na paunawa at patakaran sa pagkapribado.
C. Ang Impormasyon na Natatanggap Namin mula sa Iba
Sa ilang pagkakataon, maaari kaming makatanggap ng impormasyon tungkol sa iyo mula sa mga ikatlong-partido kaugnay ng paggamit mo ng Mga Serbisyo ng Epic o ng iyong pakikipag-ugnayan sa amin sa o gamit ang mga ikatlong-partidong platform, website, o serbisyo. Halimbawa:
• Kapag bumili, nag-download, o nag-access ka ng aming mga laro sa pamamagitan ng mga ikatlong-partidong gaming console (hal., PlayStation®, Microsoft Xbox, at Nintendo Switch), maaari kaming makatanggap ng impormasyon mula sa mga console na iyon (hal., iyong ikatlong-partidong display na pangalan, user ID, impormasyon ng device, at bansa) upang mapangasiwaan ang gameplay, masubaybayan ang iyong pag-usad at mga entitlement, at masuportahan ang iyong paggamit ng Mga Serbisyo ng Epic.
• Kapag na-link mo ang iyong account sa Epic sa account mo sa isang ikatlong-partidong social media platform (hal., Facebook), gaming platform (hal., Steam), o katulad na platform, maaari kaming makatanggap ng impormasyon mula sa platform na iyon (hal., iyong display na pangalan, user ID, impormasyon ng device, pangalan, at email address sa ikatlong-partido).
• Kapag ginamit mo ang iyong account sa Epic para mag-log in sa produkto o serbisyo ng isang ikatlong-partidong developer, maaari kaming makatanggap ng iyong impormasyon mula sa developer na iyon (hal., impormasyon tungkol sa iyong mga in-game na pakikipag-ugnayan kabilang ang mga achievement upang tumulong na subaybayan, ipakita, at i-unlock ang mga achievement sa Epic Games Store).
• Kapag nakipag-ugnayan ka sa isang ad para sa Mga Serbisyo ng Epic sa isang ikatlong-partidong website o serbisyo, maaari kaming makatanggap ng nauugnay na impormasyon mula sa kumpanyang nagpapatakbo ng website o serbisyong iyon.
• Kung iuulat ng ibang user na lumabag ka sa aming mga tuntunin o patakaran, maaari kaming makatanggap ng impormasyon tungkol sa iyo mula sa user na iyon. Kung ikaw ay magulang/tagapag-alaga ng batang user, maaari naming direktang matanggap ang iyong email address mula sa anak mo upang makaugnayan ka para sa nave-verify na pahintulot ng magulang.
Kadalasang kinokontrol ng iyong mga setting sa pagkapribado sa mga ikatlong-partidong platform, website, at serbisyo kung anong impormasyon ang inihahayag ng mga ito sa Epic, kaya hinihikayat ka naming regular na suriin at i-update ang mga setting na iyon. Bagama’t sinusunod namin ang Patakarang ito kapag gumagamit ng impormasyong ibinigay ng mga ikatlong-partido, hindi namin kontrolado kung paano kinokolekta o ginagamit ng mga ikatlong-partido ang iyong impormasyon. Para sa higit pang detalye, mangyaring sumangguni sa kanilang mga paunawa at patakaran sa pagkapribado.
Ipinoproseso namin ang impormasyong kinokolekta namin nang paisa-isa o nang may kasamang ibang impormasyon gaya ng inilarawan sa Patakarang ito, para sa mga layuning ibinalangkas sa ibaba. Kung ikaw ay nasa European Economic Area, United Kingdom, o Switzerland, ang mga nauugnay na legal na basehan ay tinukoy sa mga parenthesis sa ibaba. Para sa higit pang impormasyon sa mga legal na basehan, mangyaring tingnan ang Seksyon 11 (Karagdagang Abiso para sa Mga Indibidwal na Nasa European Economic Area, United Kingdom, o Switzerland).
• Upang ibigay at patakbuhin ang Mga Serbisyo ng Epic (pangangailangan ayon sa kontrata o mga lehitimong interes): Halimbawa, maaari naming gamitin ang iyong impormasyon upang gawin at panatilihin ang iyong account sa Epic, bigyan ka ng access sa Mga Serbisyo ng Epic, kasama ang pag-verify ng iyong pagkakakilanlan, i-enable ang mga tampok ng Mga Serbisyo ng Epic, kasama ang mga cross-progression na tampok na nagbibigay-daan sa gameplay sa iba’t ibang platform at mga tampok na pinapagana ng AI, kumpletuhin at pamahalaan ang iyong mga transaksyon, i-save ang iyong mga kagustuhan, ipatupad ang aming mga tuntunin at patakaran, abisuhan ka tungkol sa mga pagbabago sa aming mga tuntunin at patakaran, at makipag-ugnayan sa iyo tungkol sa iyong account sa Epic, mga transaksyon, at iba pang mensaheng may kaugnayan sa serbisyo na kinakailangan para sa pagpapatakbo ng Mga Serbisyo ng Epic.
• Upang suportahan at subaybayan ang Mga Serbisyo ng Epic (mga lehitimong interes o pangangailangan ayon sa kontrata): Halimbawa, maaari naming gamitin ang iyong impormasyon upang tumugon sa mga kahilingan sa suporta at pangkalahatang inquiry na ipinadala mo, at tumuklas at mag-ulat ng mga pag-crash.
• Upang i-secure at protektahan ang Mga Serbisyo ng Epic at iba pa (mga lehitimong interes, pangangailangan ayon sa kontrata, o mga legal na obligasyon): Halimbawa, maaari naming gamitin ang iyong impormasyon upang tukuyin at iwasan ang panloloko, pandaraya, pag-hack, pagnanakaw ng account, maling paggamit, at iba pang hindi awtorisadong aktibidad sa Mga Serbisyo ng Epic, at protektahan ang mga karapatan, property, at kaligtasan ng Epic, mga user namin, at iba pa.
• Upang i-moderate ang Mga Serbisyo ng Epic (mga lehitimong interes, legal na obligasyon, o pangangailangan ayon sa kontrata): Halimbawa, maaari naming gamitin ang iyong impormasyon upang tukuyin, i-moderate, at tugunan ang iniulat na ilegal, nakakapinsala, nakakasama, at mapanlokong content at gawi na lumalabag sa mga naaangkop na batas o sa aming mga tuntunin at patakaran.
• Upang i-develop ang Mga Serbisyo ng Epic (mga lehitimong interes): Halimbawa, maaari naming gamitin ang iyong impormasyon upang pamahalaan ang mga alpha, beta, at maagang access na test at mangalap ng puna.
• Upang maunawaan at pahusayin ang Mga Serbisyo ng Epic (mga lehitimong interes): Halimbawa, maaari naming gamitin ang iyong impormasyon upang suriin ang iyong paggamit ng Mga Serbisyo ng Epic, suportahan ang pag-audit, at pahusayin ang mga tampok, teknolohiya, at proseso, kabilang ang pagsasanay ng mga machine learning na teknolohiya na tumukoy at mag-moderate ng ilegal, nakakapinsala, nakakasama, at mapanlokong gawi at content na lumalabag sa mga naaangkop na batas o sa aming mga tuntunin at patakaran.
• Upang i-personalize ang Mga Serbisyo ng Epic (mga lehitimong interes): Halimbawa, maaari naming gamitin ang iyong impormasyon upang magpakita ng content, mga tampok, at mga rekomendasyong nakaangkop sa iyo, o natukoy mula sa aktibidad mo, kabilang ang pagmumungkahi ng mga laro sa mga genre na madalas mong binibili, at pag-surface ng Mga Isla at game level batay sa iyong history ng paglalaro, at upang pahusayin ang mga teknolohiya sa machine learning na tumutulong maihatid ang mga naka-personalize na rekomendasyong ito.
• Upang i-promote ang Mga Serbisyo ng Epic (pahintulot o mga lehitimong interes): Halimbawa, maaari naming gamitin ang iyong impormasyon upang pamahalaan, i-customize, at sukatin ang pagiging mabisa ng aming mga advertisement, promosyonal na alok, survey, at event.
• Upang pangasiwaan ang mga transaksyon ng korporasyon (mga lehitimong interes): Halimbawa, maaari naming ilipat ang iyong impormasyon sa loob ng aming grupo ng kumpanya kung sakaling magkaroon ng pagbabago ng istruktura ng kumpanya at sa isang ikatlong-partidong kumpanya na nauugnay sa, o sa panahon ng negosasyon para sa, isang pagbebenta, merger, divestiture, pagbabago ng istruktura, pagbabago ng pagkakaayos, paghihiwa-hiwalay, pagkabangkarote, pag-liquidate, o iba pang paglilipat ng ilan sa o lahat ng aming asset, o ibang katulad na aktibidad ng kumpanya.
• Upang maghanda ng at magtanggol laban sa mga legal na paghahabol (mga lehitimong interes o legal na obligasyon): Halimbawa, kung maghahain ka ng legal na paghahabol laban sa amin, maaari naming gamitin ang iyong impormasyon upang mag-imbestiga at tumugon sa claim na iyon at ipagtanggol ang aming sarili; at kapag natuklasan namin ang maling paggamit ng Mga Serbisyo ng Epic, maaari naming gamitin ang iyong impormasyon upang ihanda at ituloy ang aming mga legal na claim.
• Upang sumunod sa mga naaangkop na batas, regulasyon, at legal na proseso (mga legal na obligasyon): Halimbawa, maaari naming gamitin ang iyong impormasyon upang tumugon sa mga valid na kahilingan mula sa tagapagpatupad ng batas at mga awtoridad ng pamahalaan, kabilang ang mga subpoena, utos ng hukuman, at search warrant; at maaari naming gamitin ang iyong petsa ng kapanganakan upang mapangasiwaan ang pagsunod sa mga batas sa pagprotekta sa kabataan.
• Para sa mga layuning pinahintulutan mo (pahintulot): Halimbawa, maaari naming gamitin nang may pahintulot mo ang iyong impormasyon upang padalhan ka ng mga komunikasyon tungkol sa marketing. Hindi mo kailangang ibigay ang iyong pahintulot, at maaari mong bawiin ang iyong pahintulot anumang oras.
Maaari din naming iproseso ang iyong impormasyon para sa mga karagdagang layunin sa hinaharap, na tumutugma sa mga inilalarawan sa itaas, at maaari naming ipaliwanag sa iyo ang layunin sa panahon ng pagkolekta. Bukod pa rito, maaari naming gamitin ang impormasyong hindi partikular na tumutukoy sa iyo, tulad ng impormasyong inalisan ng pagkakakilanlan o pinagsama-samang impormasyon, para sa mga layunin sa negosyo, pagpapatakbo, o iba pang layuning pinapahintulutan sa ilalim ng naaangkop na batas.
Maaari naming ihayag ang ilan sa iyong impormasyon sa aming mga subsidiary at affiliate, aming mga service provider, at mga ikatlong-partido para sa mga layuning itinakda sa itaas.
Kapag naghayag kami ng impormasyon sa aming mga service provider, sinisikap naming tiyaking nagbibigay ang mga service provider na ito ng mga proteksyong kapareho ng, o halos katulad ng, mga inilarawan sa Patakarang ito (hal., sa pamamagitan ng paglilimita sa paggamit ng iyong impormasyon sa mga serbisyong ibibigay). Kabilang sa aming mga service provider ang:
• mga database hosting at storage provider;
• mga tool para sa pamamahala ng ugnayan sa customer;
• mga email service provider;
• mga provider ng teknolohiya laban sa pandaraya at pagpigil sa panloloko;
• mga tagaproseso ng pagbabayad;
• mga large language model provider upang ma-enable ang mga AI na tampok; at
• mga partner sa marketing at pag-advertise.
Depende sa Mga Serbisyo ng Epic na ginagamit mo at kung paano ka nakikipag-ugnayan sa mga ito, kabilang sa mga ikatlong-partido ang:
• mga developer ng mga larong binibili o nilalaro mo sa pamamagitan ng Epic Games Store at mga creator na nagpa-publish ng Mga Isla sa Fortnite (hal., upang tumulong sa pag-login o mga kahilingan para sa suporta);
• mga gaming console (hal., PlayStation®, Microsoft Xbox, at Nintendo Switch);
• mga social media platform (hal., Facebook) at mga gaming storefront (hal., Steam) kung ili-link mo ang iyong account sa Epic sa isang ikatlong-partidong platform;
• iba pang user (hal., kapag gumamit ka ng mga tampok sa pakikipag-ugnayan tulad ng chat) o ang publiko (hal., kapag nilaro mo ang aming mga laro o ginamit mo ang aming mga tool para sa pag-develop, impormasyon tulad ng iyong display na pangalan, istatistika ng laro, at maaaring naa-access ng publiko ang content na ginawa o ibinahagi);
• aming mga abogado, consultant, accountant, tagapayo sa negosyo, at mga katulad na ikatlong-partidong may obligasyon sa amin na panatilihin ang pagiging kumpidensyal;
• isang mamimili o iba pang kahalili kung sakaling magkaroon ng pagbebenta, merger, divestiture, pagbabago ng istruktura, pagbabago ng pagkakaayos, paghihiwa-hiwalay, o iba pang paglilipat ng ilan sa o lahat ng aming mga asset, maging isang patuloy na pag-aalala o bilang bahagi ng pagkabangkarote, pag-liquidate, o katulad na proseso, kung saan ang impormasyong pinanatili namin tungkol sa mga user ng Mga Serbisyo ng Epic ay kabilang sa mga asset na inilipat;
• tagapagpatupad ng batas, mga awtoridad ng pamahalaan, o iba pa ayon sa kinakailangan upang sumunod sa mga naaangkop na batas, regulasyon, o legal na proseso, o kung sa palagay namin ay kinakailangan ang paghahayag upang maprotektahan ang mga karapatan, ari-arian, o kaligtasan ng Epic, mga user namin, o iba pa (hal., upang imbestigahan ang panloloko o iba pang ilegal na aktibidad, maipatupad ang aming mga tuntunin at patakaran, o maprotektahan ang aming mga user o iba pa mula sa kamatayan o matinding kapahamakan); at
• iba pang may pahintulot mo (hal., kung ginamit mo ang iyong account sa Epic para mag-sign in sa mga ikatlong-partidong produkto o serbisyo, makilahok sa mga cross-promotional event, o gumamit ng ilang partikular na paraan ng pagbabayad).
Hindi ibabahagi sa mga ikatlong-partido o affiliate para sa mga layunin ng marketing o promosyon ang kahit anong numero ng mobile phone na ibinigay sa Epic para sa layuning panseguridad.
Ang Epic Games, Inc. ay nakabase sa Estados Unidos, ngunit kami ay nagpapatakbo ng negosyo sa buong mundo upang tumulong sa pagbibigay ng mas magandang karanasan sa Mga Serbisyo ng Epic sa mga user sa buong mundo. Ibig sabihin nito, maaaring iproseso, i-store, at ilipat ng Epic ang iyong impormasyon sa labas ng bansa kung saan ka naninirahan.
Ang mga batas sa proteksyon ng data sa mga bansang ito ay maaaring naiiba sa mga batas sa proteksyon ng data kung saan ka naninirahan. Kapag inilipat namin ang iyong impormasyon sa labas ng bansa kung saan ito nakolekta, umaasa kami sa mga naaangkop na legal na mekanismo upang suportahan ang paglilipat at ipatupad ang mga teknikal, pang-organisasyon, at pisikal na pag-iingat upang ma-secure ang iyong impormasyon. Kabilang sa mga sukatang ito ang mga model contractual clause (tulad ng Mga Standard Contractual Clause ng European Commission) at, kung nalalapat, mga adequacy decision ng mga awtoridad sa regulasyon.
Kapag pinapahintulutan ng batas, pinapahintulutan kami ng iyong pagggamit ng Mga Serbisyo ng Epic na iproseso ang iyong impormasyon saanmang bansa kung saan kami nagpapatakbo, kabilang sa Estados Unidos. Upang malaman pa ang tungkol sa lokasyon ng entidad ng Epic na responsable sa pagpapatakbo ng Mga Serbisyo ng Epic na ginagamit mo, mangyaring tingnan ang Seksyon 12 (Paano Ka Maaaring Makipag-ugnayan sa Amin?).
A. Pagpapanatili
Dahil ang partikular na impormasyong ipinoproseso namin at ang aming dahilan sa pagpoproseso ay madalas na nag-iiba-iba depende sa kung paano mo ginagamit ang Mga Serbisyo ng Epic, maaaring mag-iba-iba rin ang tagal ng pagpapanatili namin sa impormasyon mo. Karaniwan naming pinapanatili ang impormasyon hangga’t makatuwiran namin itong kinakailangan para sa mga layuning inilalarawan sa Seksyon 4 (Bakit Namin Ipinoproseso ang Impormasyon?), maliban kung kinakailangan o pinapahintulutan ng batas ang mas mahabang panahon ng pagpapanatili. Halimbawa, kung gagawa ka ng account sa Epic, karaniwan naming papanatilihin ang impormasyong nauugnay sa iyong account sa Epic (hal., pangalan, display na pangalang nakikita ng publiko, password, bansa, at email address) hangga’t kinakailangan ito upang panatilihin ang account mo, ibigay ang Mga Serbisyo ng Epic na hiniling mo, ipatupad ang anumang tuntunin at patakarang nalalapat at nangangasiwa sa paggamit mo ng Mga Serbisyo ng Epic, at itala kung paano namin inihahatid sa iyo ang Mga Serbisyo ng Epic.
Ang mga pangunahing pamantayang isinasaalang-alang namin sa pagtukoy ng mga partikular na panahon ng pagpapanatili ay kadalasang may mga minimum na kinakailangan sa ilalim ng naaangkop na batas, nauugnay na pamantayan sa industriya, uri ng impormasyong pinag-uusapan (hal., ang antas ng pagiging sensitibo nito), layunin kung para saan namin ipinoproseso ang impormasyon (hal., pagsunod sa aming mga legal na obligasyon, pamamahala sa mga internal na tala, pagpapatupad ng aming mga tuntunin at patakaran, at pagresolba ng mga hindi pagkakaunawaan), kung makakamit man namin ang mga layuning iyon sa pamamagitan ng iba pang paraan, ang potensyal na panganib ng pinsala mula sa hindi awtorisadong paggamit o paghayag ng impormasyon, ang kaugnayan ng impormasyon sa potensyal na paglilitis o mga katulad na proseso (hal., pagtatanggol sa aming sarili laban sa mga legal na paghahabol), at kung kinakailangan ang impormasyon upang iwasan ang panloloko o katulad na pag-abuso sa Mga Serbisyo ng Epic (hal., pagpapatupad ng mga pagbabawal sa pandaraya at iba pang hindi awtorisadong pag-uugali).
Maaari mong hilingin na tanggalin ng Epic ang iyong impormasyon. Mangyaring tingnan ang Seksyon 9 (Anong Mga Pagpili at Kontrol ang Mayroon Ka?), 10 (Karagdagang Abiso Para sa Mga Residente ng Ilang Partikular na Estado ng US), at 11 (Karagdagang Abiso para sa Mga Indibidwal na Nasa European Economic Area, United Kingdom, o Switzerland) para sa higit pang impormasyon sa paghiling ng pagtanggal ng iyong impormasyon.
B. Seguridad
Pinapanatili namin ang mga naaangkop na pang-administratibo, teknikal, kontrakwal, at pisikal na pag-iingat upang i-secure ang iyong impormasyon mula sa hindi sinasadya, ilegal, o hindi awtorisadong pagkasira, pagkawala, pagbabago, pag-access, paghahayag, paggamit, o iba pang ilegal na paraan ng pagpoproseso. Sa ilang sitwasyon, maaaring naa-access ang iyong impormasyon kapag ginamit mo ang Mga Serbisyo ng Epic. Upang makatulong na panatilihing secure ang iyong impormasyon, dapat mong panatilihin ang pagiging kumpidensyal ng iyong impormasyon sa pag-log in. Kung nalaman namin ang hindi awtorisadong paghahayag ng iyong impormasyon, aabisuhan ka namin gaya ng iniaatas ng batas at magsasagawa kami ng mga naaangkop na hakbang upang tumulong sa pag-secure ng iyong impormasyon.
Oo, ia-update namin ang Patakarang ito paminsan-minsan upang ipakita ang mga pagbabago sa aming mga kagawian at nauugnay na batas. Kapag ginawa namin ito, babaguhin namin ang petsang nakasaad sa itaas ng Patakarang ito. Sa ilang sitwasyon, maaari ka rin naming abisuhan tungkol sa mga pagbabago sa email o sa mga naaangkop na Serbisyo ng Epic. Mangyaring regular na suriin ang Patakarang ito upang matiyak na nauunawaan mo ang kaugnayan mo sa Epic, at ang mga paraan kung paano namin kinokolekta, ginagamit, sine-secure, pinapanatili, ipinapahayag, at ipinoproseso ang iyong impormasyon na magagamit upang matukoy ka sa, sa pamamagitan ng, o kaugnay ng Mga Serbisyo ng Epic.
Hinahangad naming mabigyan ka ng mga makabuluhang pagpipilian tungkol sa impormasyong kinokolekta namin. Ang mga partikular na pagpipiliang available sa iyo ay karaniwang nag-iiba-iba depende sa eksaktong ugnayan namin sa iyo, gaya kung aling Mga Serbisyo ng Epic ang ginagamit mo. Kabilang sa mga karaniwang halimbawa ang:
• Maaari mong itama ang iyong impormasyon sa pamamagitan ng iyong account sa Epic .
• Maaari mong hilingin na bigyan ka namin ng access sa, o itama o tanggalin ang, impormasyong nakolekta namin mula sa iyo.
• Maaari mong baguhin ang iyong mga kagustuhan sa email marketing anumang oras (hal., sa pamamagitan ng mekanismo sa pag-opt out sa aming mga marketing email, sa pag-update ng mga setting ng iyong account sa Epic, o sa pakikipag-ugnayan sa amin nang direkta).
• Maaari mong baguhin ang iyong mga setting sa pagkapribado sa mga ikatlong-partidong platform, website, at serbisyo upang malimitahan ang impormasyong ibinibigay nila sa amin.
• Maaari mong pamahalaan ang cookies at iba pang teknolohiya para sa awtomatikong pangongolekta ng data sa pamamagitan ng mga setting ng iyong browser o device (hal., sa pamamagitan ng pag-block, pagtatanggal, o paglilimita sa mga ito). Mangyaring tandaang maaaring hindi gumana nang maayos ang Mga Serbisyo ng Epic at maging hindi available ang ilang tampok kapag na-disable ang cookies.
• Maaari kang mag-apela o humiling ng pagsusuri ng tao ng mga desisyong ginawa sa pamamagitan ng mga automatikong paraan gaya ng iniaatas ng naaangkop na batas.
• Kung ikaw ay wala pang 18 taong gulang at may account sa Epic, maaari mong hilingin na alisin o gawin naming anonymous ang ilang partikular na content na ibinigay mo sa Mga Serbisyo ng Epic.
• Maaaring i-adjust ng mga magulang/tagapag-alaga ang mga setting para sa account sa Epic ng kanilang anak gamit ang Mga Pagkontrol ng Magulang.
Upang magsumite ng kahilingan, makipag-ugnayan sa amin gamit ang impormasyon sa pakikipag-ugnayan na nakalista sa Seksyon 12 (Paano Ka Maaaring Makipag-ugnayan sa Amin?). Maaari kaming humiling ng karagdagang impormasyon upang i-verify ang iyong pagkakakilanlan bago kumpletuhin ang iyong kahilingan.
Sa ilang panig ng mundo, binibigyan ang mga indibidwal ng mga partikular na pagpipiliang nauugnay sa kanilang impormasyon ayon sa karapatan sa ilalim ng naaangkop na batas. Mangyaring tingnan ang Seksyon 10 (Karagdagang Abiso Para sa Mga Residente ng Ilang Partikular na Estado ng US) at 11 (Karagdagang Abiso para sa Mga Indibidwal na Nasa European Economic Area, United Kingdom, o Switzerland) para sa higit pang impormasyon.
A. Para sa Mga Residente ng California
Iniaatas ng California Consumer Privacy Act (CCPA) na bigyan namin ang mga residente ng California ng impormasyon tungkol sa kanilang personal na impormasyon sa ibang format. Ang mga terminong ginagamit sa subsection na ito ay tinukoy ng CCPA.
Kung isa kang residente ng California, may karapatan kang:
• malaman at ma-access kung anong personal na impormasyon ang kinokolekta namin tungkol sa iyo, kabilang ang mga kategorya ng personal na impormasyong kinokolekta at mga pinagkukunan, ang mga layunin sa negosyo o komersyo para sa pagkolekta, ang mga kategorya ng mga ikatlong-partido kung kanino namin inihahayag ang personal na impormasyon, at ang mga partikular na detalye ng personal na impormasyong kinokolekta;
• iwasto ang iyong personal na impormasyon; at
• ipatanggal ang iyong personal na impormasyon.
Tatanggalin namin ang iyong personal na impormasyon, maliban na lang kung kinakailangan ang pagpapanatili nito para sa mga pang-operasyon o legal na dahilan, kabilang ang upang:
• maibigay ang Mga Serbisyo ng Epic na hinihiling mo, makumpleto ang mga transaksyon, o masunod ang aming kontrata sa iyo;
• matiyak ang seguridad o integridad ng Mga Serbisyo ng Epic, o ma-debug ang Mga Serbisyo ng Epic;
• magamit ang mga legal na karapatan para sa kapakanan namin o ng iba;
• mabigyang-daan ang mga internal na paggamit na naaayon sa mga inaasahan ng user; o
• sumunod sa California Electronic Communications Privacy Act, o isa pang legal na obligasyon.
Maaari din naming limitahan kung paano kami tumutugon sa iyong mga kahilingan, kabilang ang kapag kinakailangan upang:
• mapangasiwaan ang mga legal na paghahabol;
• makasunod sa mga naaangkop na batas o legal na obligasyon; o
• makipagtulungan sa tagapagpatupad ng batas.
Gaya ng mas detalyadong inilalarawan sa Seksyon 3 (Anong Impormasyon ang Kinokolekta Namin at Paano Namin Ito Kinokolekta?), ang partikular na impormasyong kinokolekta namin mula sa iyo ay kadalasang nakadepende sa kung paano mo pinipiling makipag-ugnayan sa amin sa Mga Serbisyo ng Epic. Sa nakalipas na 12 buwan, nakolekta namin ang mga sumusunod na kategorya ng personal na impormasyon:
• mga identifier (hal., pangalan, display na pangalan, account ID, device ID, IP address, numero ng telepono, o email address);
• pangkomersyong impormasyon (hal., mga karapatan o history ng pagbili);
• impormasyon sa aktibidad sa network ng internet o iba pang elektronikong network (hal., impormasyon sa gameplay o paggamit ng website);
• audio, electronic, visual, o katulad na impormasyon (hal., voice chat o mga larawan ng mukha);
• data ng geolocation (hal., gaya ng maaaring makuha sa iyong IP address o kasama sa impormasyon ng pagbabayad mo);
• mga katangian ng mga pinoprotektahang klasipikasyon sa ilalim ng California o pederal na batas (hal., edad);
• personal na impormasyong inilalarawan sa Seksyon 1798.80(e) ng California Civil Code (hal., pangalan, lagda, numero ng telepono, o impormasyon ng credit o debit card);
• sa ilang sitwasyon, sensitibong personal na impormasyon (hal., mga kredensyal sa pag-log in sa account at, kung maglilista, magbebenta, o magte-trade ka ng creative na content sa isa sa aming mga marketplace, ID na bigay ng pamahalaan); at
• mga ipinagpapalagay mula sa alinman sa mga kategorya sa itaas (hal., ang mga genre ng mga laro na maaaring mas gusto mong laruin batay sa iyong history ng pagbili o paglalaro).
Ang Epic ay hindi gumagamit o naghahayag ng sensitibong personal na impormasyon para sa mga layunin na bukod sa kinakailangan upang maibigay ang Mga Serbisyo ng Epic o pinahihintulutan sa ilalim ng CCPA. Ang Epic ay hindi rin nagbebenta o nagbabahagi ng personal na impormasyon na kinokolekta nito. Kabilang dito ang para sa mga user na aktwal naming alam na wala pang 16 na taong gulang.
Para sa higit pang impormasyon sa (1) mga kategorya ng mga source kung saan kinokolekta ang iyong personal na impormasyon, mangyaring tingnan ang Seksyon 3 (Anong Impormasyon ang Kinokolekta Namin at Paano Namin Ito Kinokolekta?); (2) mga layunin sa negosyo o komersyo para sa pangongolekta ng iyong personal na impormasyon, kabilang ang mga sensitibong personal na impormasyon, mangyaring tingnan ang Seksyon 4 (Bakit Namin Ipinoproseso ang Impormasyon?); at (3) mga kategorya ng mga ikatlong-partido kung kanino namin inihahayag ang iyong personal na impormasyon, mangyaring tingnan ang Seksyon 5 (Kanino Namin Inihahayag ang Impormasyon?).
B. Para sa Iba Pang Residente sa Estado ng US
Ang Colorado, Connecticut, Delaware, Iowa, Maryland, Minnesota, Montana, Nebraska, New Hampshire, New Jersey, Oregon, Tennessee, Texas, Utah, at Virginia ay nagpatupad ng komprehensibong batas sa pagkapribado, na nag-aatas sa amin na magbigay sa mga residente ng mga estadong iyon ng impormasyon tungkol sa kanilang personal na data sa ibang format. Ang mga terminong ginagamit sa subsection na ito ay tinukoy ng naaangkop na batas sa pagkapribado sa iyong tinitirhang estado.
Kung isa kang residente ng mga estadong iyon, may karapatang kang:
• malaman kung ipinoproseso namin ang iyong personal na data;
• mag-access at makakuha ng kopya ng iyong personal na data;
• maiwasto ang iyong personal na data (maliban sa mga residente ng Utah at Iowa); at
• magtanggal ng iyong personal na data.
Maaaring malimitahan ng ilang partikular na legal na obligasyon at pangangailangan sa operasyon kung paano kami tumutugon sa iyong mga kahilingan. Maaaring kabilang sa mga pagbubukod na ito ang:
• pagbibigay ng Mga Serbisyo ng Epic na hinihiling mo o pagtupad sa aming mga kontrata;
• pagsasagawa ng pananaliksik upang mabuo o mapahusay ang Mga Serbisyo ng Epic;
• pagtukoy at pag-aayos ng mga teknikal na isyu;
• pagsasagawa ng iba pang internal na operasyong naaayon sa mga inaasahan ng user;
• pag-iwas o pagtugon sa mga insidente sa seguridad, panloloko, pagnanakaw ng pagkakakilanlan, o iba pang ilegal o mapaminsalang aktibidad;
• pangangasiwa ng mga legal na paghahabol;
• pagsunod sa mga naaangkop na batas o legal na obligasyon; o
• pakikipagtulungan sa tagapagpatupad ng batas.
Hindi ibinebenta ng Epic ang personal na data na kinokolekta nito o hindi nito ipinoproseso ang mga iyon para sa naka-target na pag-advertise. Hindi rin ipino-profile ng Epic ang mga user nito sa pamamagitan ng mga naka-automate na paraan upang gumawa ng mga desisyon na may mga legal o katulad na malaking epekto. Kabilang dito ang para sa mga user na aktwal naming natukoy na wala pang 18 taong gulang.
Para sa higit pang impormasyon sa (1) aming pagpoproseso ng sensitibong data mula sa natukoy na batang wala pang 13 taong gulang, mangyaring tingnan ang Seksyon 2 (Paano Namin Ipinoproseso ang Impormasyon ng Mga Bata?); (2) mga kategorya ng personal na data na ipinoproseso namin, mangyaring tingnan ang Seksyon 3 (Anong Impormasyon ang Kinokolekta Namin at Paano?); (3) aming mga layunin sa pagpoproseso ng personal na data, mangyaring tingnan ang Seksyon 4 (Bakit Namin Ipinoproseso ang Impormasyon?); at (4) mga kategorya ng mga ikatlong-partido kung kanino namin inihahayag ang personal na data at mga kategorya ng personal data na inihayag namin, mangyaring tingnan ang Seksyon 5 (Kanino Namin Inihahayag ang Impormasyon?).
C. Paggamit ng Iyong Mga Karapatan sa Pagkapribado
Upang magamit ang iyong mga karapatan sa pagkapribado, makipag-ugnayan sa amin gamit ang impormasyon sa pakikipag-ugnayan na nakalista sa Seksyon 12 (Paano Ka Maaaring Makipag-ugnayan sa Amin?). Ikaw lang (o ang isang awtorisadong kinatawan sa ngalan ng isang residente ng California) ang maaaring magsumite ng nave-verify na kahilingan, na may kasama dapat na sapat na impormasyon para makumpirma namin ang iyong pagkakakilanlan at maunawaan namin ang kahilingan. Kung mayroon kang account sa Epic, maaari naming hilingin sa iyo na mag-log in upang ma-verify ang pagkakakilanlan mo. Ang mga awtorisadong ahente ng mga residente sa California ay dapat magsama ng nakasulat na pahintulot na nilagdaan ng residente, na maaaring kinakailangan ding direktang mag-verify ng kanyang pagkakakilanlan. Maaaring tanggihan ang mga kahilingan kung hindi namin mave-verify ang iyong pagkakakilanlan o awtoridad. Maaaring isumite ang mga apela gamit ang parehong impormasyon sa pakikipag-ugnayan na nakalista sa Seksyon 12 (Paano Ka Maaaring Makipag-ugnayan sa Amin?)
Hindi ka namin ididiskrimina nang dahil sa paggamit mo ng alinman sa iyong mga karapatan sa pagkapribado sa ilalim ng naaangkop na batas.
Ang General Data Protection Regulation (GDPR), kasama ng mga katulad na batas sa United Kingdom (UK) at Switzerland, ay nag-aatas sa amin na magbigay sa mga indibidwal na nasa European Economic Area (EEA), UK, o Switzerland ng impormasyon tungkol sa kanilang personal na data sa ibang format. Ang mga terminong ginagamit sa seksyong ito ay tinukoy ng GDPR.
Kung ikaw ay nasa EEA, UK, o Switzerland, may karapatan kang:
• i-access ang iyong personal na data;
• itama ang iyong personal na data;
• magtanggal ng iyong personal na data;
• pansamantalang limitahan ang aming paggamit ng iyong personal na data;
• tumutol sa ilang uri ng pagpoproseso, kasama ang pagpoproseso para sa mga layunin ng direktang marketing at batay sa ating mga lehitimong interes;
• portability ng data, kasama ang pagtanggap ng kopya ng iyong personal na data; at
• bawiin ang iyong pahintulot, kapag ang aming pagpoproseso ay nakabatay sa pahintulot (kung binawi mo ang iyong pahintulot, hindi nito maaapektuhan ang pagiging legal ng anumang pagpoproseso batay sa iyong pahintulot bago ito bawiin).
Maaari kaming humingi ng karagdagang impormasyon upang ma-verify ang iyong pagkakakilanlan bago tuparin ang kahilingan sa mga karapatan. Maaari din naming limitahan ang aming tugon sa ilang partikular na sitwasyon, pati na kapag:
• ang kahilingan ay malinaw na walang batayan o sobra-sobra;
• ang kahilingan ay makakaapekto sa mga karapatan at kalayaan ng iba;
• may mga nag-o-overide na lehitimong batayan para sa pagpoproseso na mas matimbang sa iyong mga interes, karapatan, at kalayaan; o
• kinakailangan ang pagpoproseso upang maitatag, magamit, o maipagtanggol ang aming mga legal na paghahabol, magsagawa ng kontrata sa iyo, o sumunod sa aming mga legal na obligasyon.
Mayroon ka ring karapatang gumawa ng reklamo sa iyong lokal na awtoridad sa pangangasiwa sa proteksyon ng data (mangyaring tingnan ang mga link sa ibaba) o direktang makipag-ugnayan sa amin para sa anumang reklamo (mangyaring tingnan ang Seksyon 12 (Paano Ka Maaaring Makipag-ugnayan sa Amin?)). Ikinalulugod naming mabigyan ng pagkakataong tugunan muna ang iyong mga isyu.
• EEA: European Data Protection Authorities
• UK: Tanggapan ng Information Commissioner
• Switzerland: Federal Data Protection and Information Commissioner
Ang mga legal na basehan na ginagamit namin upang iproseso ang iyong personal na data ay nakadepende sa Mga Serbisyo ng Epic na ginagamit mo at kung paano ka nakikipag-ugnayan sa mga ito. Ang mga legal na basehang ito ay:
• Kontraktwal na pangangailangan: kapag ipinoproseso namin ang iyong personal na data upang maisagawa ang Mga Serbisyo ng Epic na hiniling mo sa ilalim ng aming Mga Tuntunin ng Serbisyo o iba pang katulad na kasunduan sa kontrata sa iyo.
• Mga lehitimong interes: kapag ipinoproseso namin ang iyong personal na data upang suportahan ang mga layunin sa negosyo ng Epic, bilang balanse sa potensyal na epekto sa iyong mga karapatan sa pagkapribado.
• Mga legal na obligasyon: kapag ipinoproseso namin ang iyong personal na data upang sumunod sa aming mga legal na obligasyon.
• Pahintulot: kapag ibinigay mo sa amin ang iyong pahintulot para iproseso ang iyong personal na data. Hindi mo kinakailangang magbigay ng pahintulot, at maaari mong bawiin ang iyong pahintulot anumang oras.
Para sa higit pang impormasyon tungkol sa kung paano nalalapat ang mga legal na basehang ito sa iba’t ibang layunin ng pagpoproseso, mangyaring tingnan ang Seksyon 4 (Bakit Namin Ipinoproseso ang Impormasyon?).
A. Mga Kahilingan sa Suporta
Kung mayroon kang mga tanong o alalahanin tungkol sa Mga Serbisyo ng Epic (hal., mga isyu kaugnay ng isang laro, pag-access sa iyong account sa Epic, mga bug, mga pagbabayad, content, o mga entitlement), makipag-ugnayan sa nauugnay na channel ng suporta sa pamamagitan ng mga link na ibinigay sa ibaba.
• Fortnite
• Rocket League
• Fall Guys
• Epic Games Store
• Fab
• Unreal Engine
B. Mga Kahilingan sa Pagkapribado
Kung gusto mong malaman pa ang tungkol sa aming mga kagawian sa pagkapribado o sa Patakarang ito, o gusto mong gamitin ang iyong mga karapatan bilang data subject, mangyaring magpadala ng email sa [email protected] o [email protected]. Maaari ka ring makipag-ugnayan sa amin sa pamamagitan ng email o postal mail (na minarkahang “Attn: Legal Department”) gamit ang impormasyon sa pakikipag-ugnayan na nakalista sa ibaba para sa entidad na responsable sa pagbibigay ng mga naaangkop na Serbisyo ng Epic.
• Fortnite: Epic Games, Inc. (para sa mga residente ng US) o Epic Games Entertainment International GmbH (para sa mga hindi residente ng US)
• Rocket League: Psyonix LLC
• Fall Guys: Epic Games, Inc.
• Horizon Chase 2: Aquiris Game Studio LLC
• Rock Band: Harmonix Music Systems, Inc.
• Epic Games Store at Fab: Epic Games, Inc. (para sa mga residente ng US) o Epic Games Commerce GmbH (para sa mga hindi residente ng US)
• Unreal Engine at MetaHuman: Epic Games, Inc. (para sa mga residente ng US) o Epic Games Commerce GmbH (para sa mga hindi residente ng US)
• Unreal Editor Para sa Fortnite: Epic Games, Inc. (para sa mga residente ng US) o Epic Games Entertainment International GmbH (para sa mga hindi residente ng US)
• Postparty: Life on Air Inc.
• Ang aming mga website at mga kaukulang subdomain ng mga ito na naka-link sa Patakarang ito: Epic Games, Inc.
• Iba pang Serbisyo ng Epic: Mangyaring tingnan ang mga nauugnay na tuntunin at kundisyon para sa entidad sa paglilisensiyang nakalista sa iyong rehiyon
Impormasyon sa Pakikipag-ugnayan
Aquiris Game Studio LLC
• Address: C/O C T Corporation System, 1200 South Pine Island Road, Plantation, Florida 33324, USA
• EU/UK Representative: Mishcon de Reya ([email protected])
• Brazil Data Protection Officer: Henrique Fabretti of Opice Blum, Bruno Advogados Associados ([email protected])
Epic Games Commerce GmbH
• Address: Platz 10, 6039 Root D4, Switzerland
• EU/UK Representative: Mishcon de Reya ([email protected])
• EU/UK Data Protection Officer: [email protected]
• Brazil Data Protection Officer: Henrique Fabretti of Opice Blum, Bruno Advogados Associados ([email protected])
Epic Games Entertainment International GmbH
• Address: Platz 10, 6039 Root D4, Switzerland
• EU/UK Representative: Mishcon de Reya ([email protected])
• EU/UK Data Protection Officer: [email protected]
• Brazil Data Protection Officer: Henrique Fabretti of Opice Blum, Bruno Advogados Associados ([email protected])
Epic Games, Inc.
• Address: 620 Crossroads Boulevard, Cary, North Carolina 27518, USA
• EU/UK Representative: Mishcon de Reya ([email protected])
• EU/UK Data Protection Officer: [email protected]
• Brazil Data Protection Officer: Henrique Fabretti of Opice Blum, Bruno Advogados Associados ([email protected])
Harmonix Music Systems, Inc.
• Address: 40 Broad Street, Floor 7, Boston, Massachusetts 02109, USA
• Contact: [email protected]
• EU/UK Representative: Mishcon de Reya ([email protected])
Life on Air Inc.
• Address: 620 Crossroads Boulevard, Cary, North Carolina 27518, USA
• Contact: [email protected]
• EU/UK Representative: Mishcon de Reya ([email protected])
• Brazil Data Protection Officer: Henrique Fabretti of Opice Blum, Bruno Advogados Associados ([email protected])
Psyonix LLC
• Address: 401 West A. Street, Suite 2400, San Diego, California 92101, USA
• Contact: [email protected]
• EU/UK Representative: Mishcon de Reya ([email protected])
• Brazil Data Protection Officer: Henrique Fabretti of Opice Blum, Bruno Advogados Associados ([email protected])