Huling Na-update: Abril 22, 2026
Welcome sa Epic!
Kung isa kang bata, pakitingnan ang aming Impormasyon sa Pagkapribado para sa Mga Batang Player.
Kung ikaw ang magulang/tagapag-alaga ng bata, pakitingnan ang Seksyon 2 (Paano Namin Ipinoproseso ang Impromasyon ng Mga Bata?).
Ang punong tanggapan ng Epic Games, Inc. ay nasa Cary, North Carolina. Kami at ang aming mga subsidiary ay may mga opisina at operasyon sa iba’t ibang panig ng mundo na tumutulong sa paglikha at paghahatid ng ilan sa iyong mga paboritong produkto at serbisyo, kabilang ang mga laro tulad ng Fortnite at mga tool sa pagde-develop tulad ng Unreal Engine.
Inilalarawan ng Patakaran sa Pagkapribado na ito ng Epic Games (ang “Patakaran” na ito) ang iba’t ibang paraan kung paano namin maaaring kolektahin, gamitin, i-secure, panatilihin, ihayag, at iproseso ang impormasyon na maaaring magamit upang matukoy ka sa, sa pamamagitan ng, o kaugnay ng Mga Serbisyo ng Epic (binibigyang-kahulugan sa ibaba).
Mangyaring basahin nang mabuti ang buong Patakarang ito at anupamang kasunduan na nalalapat sa paggamit mo ng Mga Serbisyo ng Epic, at kumpirmahing nauunawaan mo at sumasang-ayon ka sa mga ito bago gamitin ang anumang Serbisyo ng Epic. Kung mayroon kang kahit anong tanong, maaari kang makipag-ugnayan sa amin anumang oras gamit ang impormasyon sa pakikipag-ugnayan na nakalista sa Seksyon 12 (Paano Ka Maaaring Makipag-ugnayan sa Amin?).
Kapag binanggit namin ang “Epic” (o anumang katulad na salita tulad ng “kami,” “namin,” o “amin”) sa Patakarang ito, tinutukoy namin ang entity na Epic na may kontrol at pananagutan sa iyong impormasyon, tulad ng Epic Games, Inc. at mga subsidiary at affiliate nito na nagbibigay ng Mga Serbisyo ng Epic. Nalalapat ang Patakarang ito kapag nagsisilbing data controller ng iyong impormasyon ang Epic. Makikita mo ang mga detalye tungkol sa data controller na may pananagutan sa iyong impormasyon sa Seksyon 12 (Paano Ka Maaaring Makipag-ugnayan sa Amin?).
Ginagamit namin ang terminong “Mga Serbisyo ng Epic” upang ilarawan ang anumang produkto o serbisyo ng Epic na direktang naka-link sa Patakarang ito, kabilang ang:
Pakitandaan na ang paggamit mo ng Mga Serbisyo ng Epic ay napapailalim din sa mga karagdagang tuntunin at kondisyon. Halimbawa, dapat mong suriin at sang-ayunan ang Mga Tuntunin ng Serbisyo ng Epic Games para maglaro ng Fortnite, Rocket League, Fall Guys, at Horizon Chase 2.
Kapag tinukoy ng isang user na siya ay isang bata, ilalagay siya sa isang “Pambatang Account” hanggang sa hindi na siya itinuturing na bata gaya ng inilalarawan sa itaas o hanggang sa magbigay ng karagdagang pahintulot sa pagkapribado ang kanyang magulang/tagapag-alaga at mag-enable ng mga kontrol ng magulang. Ang mga Pambatang Account ay maaaring maglaro ng mga laro ng Epic (hal., Fortnite, Rocket League, o Fall Guys), ngunit naka-disable ang mga feature tulad ng voice chat at mga pagbili gamit ng tunay na pera. Ang Epic ay nangongolekta ng limitadong personal na impormasyon mula sa mga Pambatang Account upang mapatakbo ang mga ito, at sinusunod nito ang mga naaangkop na batas sa pagkapribado at proteksyon ng kabataan sa bawat sitwasyong ito:
Kapag external naming inihayag ang personal na impormasyon ng aming mga Pambatang Account, tinutulungan kami nitong maisakatuparan ang mga limitadong layuning ito (hal., sa mga gaming console upang makatulong sa pagpapatakbo ng laro, o sa aming mga cloud storage provider). Alamin pa ang tungkol sa mga Pambatang Account.
A. Abiso, Pahintulot, at Mga Kontrol ng Magulang
Kinokolekta namin ang email address ng magulang/tagapag-alaga ng isang bata upang magpadala sa magulang/tagapag-alaga ng abiso sa email na gumawa ang bata ng Pambatang Account. Binibigyang-daan din sila ng abisong ito na suriin ang aming mga kagawian sa pagkapribado para sa mga hindi Pambatang Account, magbigay ng pahintulot sa isang hindi Pambatang Account upang ma-enable ng kanyang anak ang mga karagdagang feature, at i-set up ang mga kontrol ng magulang. Pakitandaan na kailangang makumpleto ng mga magulang/tagapag-alaga ang aming proseso ng pag-verify ng magulang upang makapagbigay ng pahintulot sa isang hindi Pambatang Account.
Gumagamit kami ng Kids Web Services (“KWS”), isang serbisyong iniaalok ng aming subsidiary na Kids Web Services Ltd, para sa pag-verify ng edad ng magulang/tagapag-alaga at ng user. Alamin pa ang tungkol sa Nave-verify na Pahintulot ng Magulang. Kapag na-verify na ang email address, matutukoy ito ng KWS sa iba pang laro o serbisyong pinapatakbo ng teknolohiya ng KWS, kaya hindi na kailangang i-verify ito ulit. Alamin pa ang tungkol sa KWS.
Kapag nagbigay ng pahintulot ang magulang/tagapag-alaga para sa isang hindi Pambatang Account para sa kanyang anak, awtomatikong nae-enable ang mga kontrol ng magulang. Pagkatapos ay maa-access ang mga kontrol ng magulang gamit ang PIN code at papayagan ang magulang/tagapag-alaga na suriin at baguhin ang mga setting ng feature na napili sa flow ng pahintulot at mas mako-customize niya ang karanasan ng kanyang anak. Alamin pa ang tungkol sa Mga Kontrol ng Magulang.
Kapag pinahintulutan ng magulang/tagapag-alaga ang hindi Pambatang Account para sa anak niya, karaniwang nalalapat dito ang mga kagawian sa pagkapribadong inilalarawan sa iba pang bahagi ng Patakarang ito, ngunit maaaring hindi ma-access ng mga mas batang user ang lahat ng content o feature (dahil sa aming mga default na setting ng pagkapribado, kinakailangan sa edad para sa ilang partikular na serbisyo at feature, at/o mga kontrol ng magulang na ipinapatupad). Halimbawa, depende sa mga setting ng kontrol ng magulang at sa edad ng bata, magagawa ng isang bata na i-access ang mga feature sa komunikasyon (tulad ng voice at text chat) at makipag-ugnayan sa karamihan ng Mga Serbisyo ng Epic (kabilang ang pag-download ng iba pang laro o app mula sa Epic Games Store). Para sa mga karagdagang detalye, pakitingnan ang Seksyon 3 (Anong Impormasyon ang Kinokolekta Namin at Paano Namin Ito Kinokolekta?) at 4 (Bakit Namin Ipinoproseso ang Impormasyon?).
Inihahayag namin ang impormasyon ng account ng isang bata sa mga third party: (1) para sa mga layuning mahalaga sa pagpapatakbo at proteksyon ng aming Mga Serbisyo ng Epic (hal., sa mga gaming console, mga publisher ng mga laro o app na nakukuha sa pamamagitan ng Epic Games Store, mga propesyunal na tagapayo, at tagapagpatupad ng batas), o (2) nang may pahintulot ng magulang/tagapag-alaga (hal., para sa pag-link ng account at pag-sign in sa mga third-party na serbisyo). Para sa mga karagdagang detalye, pakitingnan ang Seksyon 5 (Kanino Namin Inihahayag ang Mga Impromasyon?). Kung mayroon kang kahit anong tanong, maaari kang makipag-ugnayan sa amin gamit ang impormasyon sa pakikipag-ugnayan na nakalista sa Seksyon 12 (Paano Ka Maaaring Makipag-ugnayan sa Amin?).
B. Pagpapanatili ng Personal na Impormasyon
Karaniwan naming pinapanatili ang personal na impormasyong kinokolekta mula sa isang bata hangga’t makatuwiran lang namin itong kinakailangan para sa mga layunin kung bakit ito kinolekta. Halimbawa:
Para sa mga karagdagang detalye, pakitingnan ang Seksyon 7 (Paano Namin Pinapangasiwaan ang Impormasyon?).
C. Mga Karapatan sa Pagkapribado ng Bata at Magulang/Tagapag-alaga
Bukod pa sa mga kontrol ng magulang na nagbibigay-daan sa mga magulang/tagapag-alaga na baguhin ang mga pagpiling ginawa nila tungkol sa paggamit ng kanilang anak ng mga partikular na feature tulad ng voice at text chat, magagamit ng mga bata at ng kanilang mga magulang/tagapag-alaga ang kanilang mga indibidwal na karapatan sa pagkapribado gaya ng inilalarawan sa Seksyon 9 (Anong Mga Pagpili at Kontrol ang Mayroon Ka?). Kabilang sa mga karapatang iyon ang karapatang suriin ang personal na impormasyon ng kanilang anak na pinapanatili ng Epic at tanggalin ang Epic account ng kanilang anak (na nagtatanggal ng kanyang personal na impormasyon at inihihinto ang patuloy na pagkolekta). Para gamitin ang mga karapatang iyon o magtanong ng kahit ano tungkol sa kung paano namin pinapangasiwaan ang personal na impormasyon ng mga bata, mangyaring gamitin ang impormasyon sa pakikipag-ugnayan na nakalista sa Seksyon 12 (Paano Ka Maaaring Makipag-ugnayan sa Amin?) o dumiretso sa aming Form ng Paghiling ng Suporta ng Magulang.
Ang mga uri ng impormasyong kinokolekta namin ay nakadepende sa kung paano ka nakikipag-ugnayan sa Mga Serbisyo ng Epic. Sa pangkalahatan, nangongolekta kami ng impormasyon sa tatlong paraan: A) kapag ibinigay mo ito sa amin, B) awtomatiko kapag ginamit mo ang Mga Serbisyo ng Epic, at C) mula sa mga third party.
Idinisenyo ang Patakarang ito upang tulungan kang maunawaan kung paano namin pinapangasiwaan ang impormasyon na maaaring magamit upang matukoy ka. Sa ilang sitwasyon, maaari din kaming gumawa o mangolekta ng impormasyong hindi partikular na tumutukoy sa iyo, tulad ng impormasyong inalisan ng pagkakakilanlan o pinagsama-samang impormasyon. Kung pagsasamahin namin ang ganitong uri ng impormasyon at ang impormasyong tumutukoy sa iyo, ituturing namin ang pinagsamang impormasyon bilang impormasyong magagamit upang matukoy ka alinsunod sa Patakarang ito.
A. Ang Impormasyong Ibinibigay Mo
Maaaring kang magbigay sa amin ng iba’t ibang uri ng impormasyon depende sa kung paano mo ginagamit ang Mga Serbisyo ng Epic. Sa ilang sitwasyon, hihiling kami sa iyo ng partikular na impormasyon dahil kailangan namin ito para sa Mga Serbisyo ng Epic o sa mga kaukulang feature ng mga ito. Kung pipiliin mong hindi ibigay ang hinihiling na impormasyon, maaaring hindi mo ma-access ang Mga Serbisyo ng Epic na iyon o maaaring hindi gumana nang maayos ang mga feature. Halimbawa:
B. Ang Impormasyon na Awtomatiko Naming Kinokolekta
Awtomatiko kaming nangongolekta ng ilang impormasyon kapag binisita, in-access, o ginamit mo ang Mga Serbisyo ng Epic. Kabilang dito ang impormasyon tulad ng iyong gameplay o paggamit ng application na karaniwang nauugnay sa Epic account mo, iyong third-party na account (kung ina-access mo ang Mga Serbisyo ng Epic sa pamamagitan nito), o isang identifier na itinalaga namin sa iyong device o profile. Bagama’t maaaring mag-iba-iba ang mga partikular na uri ng impormasyon na awtomatikong kinokolekta namin, karaniwan itong kinabibilangan ng:
Gumagamit ang Mga Serbisyo ng Epic ng mga teknolohiya gaya ng cookies, log files, at web beacons upang awtomatikong mangolekta ng nabanggit na uri ng impormasyon. Maaaring lumikha ang ilan sa mga teknolohiyang ito ng maliliit na file o mga tool para sa pagpapanatili ng tala na naka-store sa iyong device. Tinutulungan kami ng mga teknolohiyang ito na matukoy ang iyong device at mangolekta ng impormasyon tungkol sa iyong mga pakikipag-ugnayan sa Mga Serbisyo ng Epic, at ginagamit namin ang impormasyon iyon upang, halimbawa, maibigay at mapatakbo ang Mga Serbisyo ng Epic (hal., i-authenticate ka at i-save ang mga kagustuhan); masubaybayan ang Mga Serbisyo ng Epic (hal., tumuklas at mag-ulat ng mga pag-crash); maunawaan at mapahusay ang Mga Serbisyo ng Epic (hal., magsagawa ng data analytics); ma-personalize ang Mga Serbisyo ng Epic (hal., magpakita ng mga lokal na currency); at ma-promote ang Mga Serbisyo ng Epic (hal., pamahalaan ang pag-advertise).
Kapag ang mga feature ng Mga Serbisyo ng Epic ay ibinibigay ng mga third party, maaaring gumamit rin ang mga third party na iyon ng mga teknolohiya sa awtomatikong pagkolekta ng data at mangolekta ng impormasyon tungkol sa paggamit mo ng Mga Serbisyo ng Epic, ng mga serbisyo nito, o ng mga website ng iba sa paglipas ng panahon. Halimbawa, kapag gumamit ka ng Mga Serbisyo ng Epic (hal., Unreal Engine) na may third-party software, maaaring kolektahin ng mga third party na iyon ang iyong impormasyon sa pamamagitan ng kanilang mga teknolohiya. Ang mga feature na ibinibigay ng mga third party ay napapailalim sa kanilang mga naaangkop na paunawa at patakaran sa pagkapribado.
C. Ang Impormasyon na Natatanggap Namin mula sa Iba
Sa ilang pagkakataon, maaari kaming makatanggap ng impormasyon tungkol sa iyo mula sa mga third party kaugnay ng paggamit mo ng Mga Serbisyo ng Epic o ng iyong pakikipag-ugnayan sa amin sa o gamit ang mga third party na platform, website, o serbisyo. Halimbawa:
Kadalasang kinokontrol ng iyong mga setting sa pagkapribado sa mga third-party na platform, website, at serbisyo kung anong impormasyon ang inihahayag ng mga ito sa Epic, kaya hinihikayat ka naming regular na suriin at i-update ang mga setting na iyon. Bagama’t sinusunod namin ang Patakarang ito kapag gumagamit ng impormasyong ibinigay ng mga third party, hindi namin kontrolado kung paano kinokolekta o ginagamit ng mga third party ang iyong impormasyon. Para sa higit pang detalye, mangyaring sumangguni sa kanilang mga paunawa at patakaran sa pagkapribado.
Ipinoproseso namin ang impormasyong kinokolekta namin nang paisa-isa o nang may kasamang ibang impormasyon gaya ng inilarawan sa Patakarang ito, para sa mga layuning ibinalangkas sa ibaba. Kung ikaw ay nasa European Economic Area, United Kingdom, o Switzerland, ang mga nauugnay na legal na basehan ay tinukoy sa mga parenthesis sa ibaba. Para sa higit pang impormasyon sa mga legal na basehan, pakitingnan ang Seksyon 11 (Karagdagang Abiso para sa Mga Indibidwal na Nasa European Economic Area, United Kingdom, o Switzerland).
Maaari din naming iproseso ang iyong impormasyon para sa mga karagdagang layunin sa hinaharap, na tumutugma sa mga inilalarawan sa itaas, at maaari naming ipaliwanag sa iyo ang layunin sa panahon ng pagkolekta. Bukod pa rito, maaari naming gamitin ang impormasyong hindi partikular na tumutukoy sa iyo, tulad ng impormasyong inalisan ng pagkakakilanlan o pinagsama-samang impormasyon, para sa mga layunin sa negosyo, pagpapatakbo, o iba pang layuning pinapahintulutan sa ilalim ng naaangkop na batas.
Maaari naming ihayag ang ilan sa iyong impormasyon sa aming mga subsidiary at affiliate, aming mga service provider, at mga third party para sa mga layuning itinakda sa itaas.
Kapag naghayag kami ng impormasyon sa aming mga service provider, sinisikap naming tiyaking nagbibigay ang mga service provider na ito ng mga proteksyong kapareho ng, o halos katulad ng, mga inilarawan sa Patakarang ito (hal., sa pamamagitan ng paglilimita sa paggamit ng iyong impormasyon sa mga serbisyong ibibigay). Kabilang sa aming mga service provider ang:
Depende sa Mga Serbisyo ng Epic na ginagamit mo at kung paano ka nakikipag-ugnayan sa mga ito, kabilang sa mga third party ang:
Hindi ibabahagi sa mga third party o affiliate para sa mga layunin ng marketing o promosyon ang kahit anong numero ng mobile phone na ibinigay sa Epic para sa layuning panseguridad.
Ang Epic Games, Inc. ay nakabase sa Estados Unidos, ngunit kami ay nagpapatakbo ng negosyo sa buong mundo upang tumulong sa pagbibigay ng mas magandang karanasan sa Mga Serbisyo ng Epic sa mga user sa buong mundo. Ibig sabihin nito, maaaring iproseso, i-store, at ilipat ng Epic ang iyong impormasyon sa labas ng bansa kung saan ka naninirahan.
Ang mga batas sa proteksyon ng data sa mga bansang ito ay maaaring naiiba sa mga batas sa proteksyon ng data kung saan ka naninirahan. Kapag inilipat namin ang iyong impormasyon sa labas ng bansa kung saan ito nakolekta, umaasa kami sa mga naaangkop na legal na mekanismo upang suportahan ang paglilipat at ipatupad ang mga teknikal, pang-organisasyon, at pisikal na pag-iingat upang ma-secure ang iyong impormasyon. Kabilang sa mga sukatang ito ang mga model contractual clause (tulad ng Mga Standard Contractual Clause ng European Commission) at, kung nalalapat, mga adequacy decision ng mga awtoridad sa regulasyon.
Kapag pinapahintulutan ng batas, pinapahintulutan kami ng iyong pagggamit ng Mga Serbisyo ng Epic na iproseso ang iyong impormasyon saanmang bansa kung saan kami nagpapatakbo, kabilang sa Estados Unidos. Upang malaman pa ang tungkol sa lokasyon ng entity ng Epic na responsable sa pagpapatakbo ng Mga Serbisyo ng Epic na ginagamit mo, pakitingnan ang Seksyon 12 (Paano Ka Maaaring Makipag-ugnayan sa Amin?).
A. Pagpapanatili
Dahil ang partikular na impormasyong ipinoproseso namin at ang aming dahilan sa pagpoproseso ay madalas na nag-iiba-iba depende sa kung paano mo ginagamit ang Mga Serbisyo ng Epic, maaaring mag-iba-iba rin ang tagal ng pagpapanatili namin sa impormasyon mo. Karaniwan naming pinapanatili ang impormasyon hangga’t makatuwiran namin itong kinakailangan para sa mga layuning inilalarawan sa Seksyon 4 (Bakit Namin Ipinoproseso ang Impormasyon?), maliban kung kinakailangan o pinapahintulutan ng batas ang mas mahabang panahon ng pagpapanatili. Halimbawa, kung gumawa ka ng Epic account, karaniwan naming papanatilihin ang impormasyong nauugnay sa iyong Epic account (hal., pangalan, display name na nakikita ng publiko, password, bansa, at email address) hangga’t kinakailangan ito upang panatilihin ang account mo, ibigay ang Mga Serbisyo ng Epic na hiniling mo, ipatupad ang anumang tuntunin at patakarang nalalapat at nangangasiwa sa paggamit mo ng Mga Serbisyo ng Epic, at itala kung paano namin inihahatid sa iyo ang Mga Serbisyo ng Epic.
Ang mga pangunahing pamantayang isinasaalang-alang namin sa pagtukoy ng mga partikular na panahon ng pagpapanatili ay kadalasang may mga minimum na kinakailangan sa ilalim ng naaangkop na batas, nauugnay na pamantayan sa industriya, uri ng impormasyong pinag-uusapan (hal., ang antas ng pagiging sensitibo nito), layunin kung para saan namin ipinoproseso ang impormasyon (hal., pagsunod sa aming mga legal na obligasyon, pamamahala sa mga internal na tala, pagpapatupad ng aming mga tuntunin at patakaran, at pagresolba ng mga hindi pagkakaunawaan), kung makakamit man namin ang mga layuning iyon sa pamamagitan ng iba pang paraan, ang potensyal na panganib ng pinsala mula sa hindi awtorisadong paggamit o paghayag ng impormasyon, ang kaugnayan ng impormasyon sa potensyal na paglilitis o mga katulad na proseso (hal., pagtatanggol sa aming sarili laban sa mga legal na paghahabol), at kung kinakailangan ang impormasyon upang iwasan ang panloloko o katulad na pag-abuso sa Mga Serbisyo ng Epic (hal., pagpapatupad ng mga pagbabawal sa pandaraya at iba pang hindi awtorisadong pag-uugali).
Maaari mong hilingin na tanggalin ng Epic ang iyong impormasyon. Pakitingnan ang Seksyon 9 (Anong Mga Pagpili at Kontrol ang Mayroon Ka?), 10 (Karagdagang Abiso Para sa Mga Residente ng Ilang Partikular na Estado ng US), at 11 (Karagdagang Abiso para sa Mga Indibidwal na Nasa European Economic Area, United Kingdom, o Switzerland) para sa higit pang impormasyon sa paghiling ng pagtanggal ng iyong impormasyon.
B. Seguridad
Pinapanatili namin ang mga naaangkop na pang-administratibo, teknikal, kontrakwal, at pisikal na pag-iingat upang i-secure ang iyong impormasyon mula sa hindi sinasadya, ilegal, o hindi awtorisadong pagkasira, pagkawala, pagbabago, pag-access, paghahayag, paggamit, o iba pang ilegal na paraan ng pagpoproseso. Sa ilang sitwasyon, maaaring naa-access ang iyong impormasyon kapag ginamit mo ang Mga Serbisyo ng Epic. Upang makatulong na panatilihing secure ang iyong impormasyon, dapat mong panatilihin ang pagiging kumpidensyal ng iyong impormasyon sa pag-log in. Kung nalaman namin ang hindi awtorisadong paghahayag ng iyong impormasyon, aabisuhan ka namin gaya ng iniaatas ng batas at magsasagawa kami ng mga naaangkop na hakbang upang tumulong sa pag-secure ng iyong impormasyon.
Oo, ia-update namin ang Patakarang ito paminsan-minsan upang ipakita ang mga pagbabago sa aming mga kagawian at nauugnay na batas. Kapag ginawa namin ito, babaguhin namin ang petsang nakasaad sa itaas ng Patakarang ito. Sa ilang sitwasyon, maaari ka rin naming abisuhan tungkol sa mga pagbabago sa email o sa mga naaangkop na Serbisyo ng Epic. Mangyaring regular na suriin ang Patakarang ito upang matiyak na nauunawaan mo ang kaugnayan mo sa Epic, at ang mga paraan kung paano namin kinokolekta, ginagamit, sine-secure, pinapanatili, ipinapahayag, at ipinoproseso ang iyong impormasyon na magagamit upang matukoy ka sa, sa pamamagitan ng, o kaugnay ng Mga Serbisyo ng Epic.
Hinahangad naming mabigyan ka ng mga makabuluhang pagpipilian tungkol sa impormasyong kinokolekta namin. Ang mga partikular na pagpipiliang available sa iyo ay karaniwang nag-iiba-iba depende sa eksaktong ugnayan namin sa iyo, gaya kung aling Mga Serbisyo ng Epic ang ginagamit mo. Kabilang sa mga karaniwang halimbawa ang:
Upang magsumite ng kahilingan, makipag-ugnayan sa amin gamit ang impormasyon sa pakikipag-ugnayan na nakalista sa Seksyon 12 (Paano Ka Maaaring Makipag-ugnayan sa Amin?). Maaari kaming humiling ng karagdagang impormasyon upang i-verify ang iyong pagkakakilanlan bago kumpletuhin ang iyong kahilingan.
Sa ilang panig ng mundo, binibigyan ang mga indibidwal ng mga partikular na pagpipiliang nauugnay sa kanilang impormasyon ayon sa karapatan sa ilalim ng naaangkop na batas. Pakitingnan ang Seksyon 10 (Karagdagang Abiso Para sa Mga Residente ng Ilang Partikular na Estado ng US) at 11 (Karagdagang Abiso para sa Mga Indibidwal na Nasa European Economic Area, United Kingdom, o Switzerland) para sa higit pang impormasyon.
A. Para sa Mga Residente ng California
Iniaatas ng California Consumer Privacy Act (CCPA) na bigyan namin ang mga residente ng California ng impormasyon tungkol sa kanilang personal na impormasyon sa ibang format. Ang mga terminong ginagamit sa subsection na ito ay tinukoy ng CCPA.
Kung isa kang residente ng California, may karapatan kang:
Tatanggalin namin ang iyong personal na impormasyon, maliban na lang kung kinakailangan ang pagpapanatili nito para sa mga pang-operasyon o legal na dahilan, kabilang ang upang:
Maaari din naming limitahan kung paano kami tumutugon sa iyong mga kahilingan, kabilang ang kapag kinakailangan upang:
Gaya ng mas detalyadong inilalarawan sa Seksyon 3 (Anong Impormasyon ang Kinokolekta Namin at Paano Namin Ito Kinokolekta?), ang partikular na impormasyong kinokolekta namin mula sa iyo ay kadalasang nakadepende sa kung paano mo pinipiling makipag-ugnayan sa amin sa Mga Serbisyo ng Epic. Sa nakalipas na 12 buwan, nakolekta namin ang mga sumusunod na kategorya ng personal na impormasyon:
Ang Epic ay hindi gumagamit o naghahayag ng sensitibong personal na impormasyon para sa mga layunin na bukod sa kinakailangan upang maibigay ang Mga Serbisyo ng Epic o pinahihintulutan sa ilalim ng CCPA. Ang Epic ay hindi rin nagbebenta o nagbabahagi ng personal na impormasyon na kinokolekta nito. Kabilang dito ang para sa mga user na aktwal naming alam na wala pang 16 na taong gulang.
Shine the Light: Hindi rin namin inihahayag ang iyong personal na impormasyon sa mga third party para sa kanilang mga layunin sa direktang marketing maliban na lang kung mag-opt in ka sa paghahayag na iyon (ayon sa Batas ng California na Shine the Light).
Para sa higit pang impormasyon sa (1) mga kategorya ng mga source kung saan kinokolekta ang iyong personal na impormasyon, pakitingnan ang Seksyon 3 (Anong Impormasyon ang Kinokolekta Namin at Paano Namin Ito Kinokolekta?); (2) mga layunin sa negosyo o komersyo para sa pangongolekta ng iyong personal na impormasyon, kabilang ang mga sensitibong personal na impormasyon, pakitingnan ang Seksyon 4 (Bakit Namin Ipinoproseso ang Impormasyon?); at (3) mga kategorya ng mga third party kung kanino namin inihahayag ang iyong personal na impormasyon, pakitingnan ang Seksyon 5 (Kanino Namin Inihahayag ang Impormasyon?).
B. Para sa Iba Pang Residente sa Estado ng US
Nagpatupad ng kumprehensibong batas sa pagkapribado ang ilang partikular na estado ng US, kabilang ang Colorado, Connecticut, Delaware, Indiana, Iowa, Kentucky, Maryland, Minnesota, Montana, Nebraska, New Hampshire, New Jersey, Oregon, Rhode Island, Tennessee, Texas, Utah, at Virginia, na kasalukuyang may bisa mula sa petsa ng Patakarang ito. Maaaring magpatupad ng kumprehensibong batas sa pagkapribado ang iba pang estado sa hinaharap. Iniaatas sa atin ng mga batas na ito na magbigay sa mga residente ng mga estadong iyon ng impormasyon tungkol sa kanilang personal na data sa ibang format. Ang mga terminong ginagamit sa subsection na ito ay tinukoy ng naaangkop na batas sa pagkapribado sa iyong tinitirhang estado.
Kung isa kang residente ng mga estadong iyon, may karapatang kang:
Maaaring malimitahan ng ilang partikular na legal na obligasyon at pangangailangan sa operasyon kung paano kami tumutugon sa iyong mga kahilingan. Maaaring kabilang sa mga pagbubukod na ito ang:
Hindi ibinebenta ng Epic ang personal na data na kinokolekta nito o hindi nito pinoproseso ang mga iyon para sa naka-target na pag-advertise. Hindi rin pino-profile ng Epic ang mga user nito sa pamamagitan ng mga naka-automate na paraan upang gumawa ng mga desisyon na may mga legal o katulad na malaking epekto. Kabilang dito ang para sa mga user na aktwal naming natukoy na wala pang 18 taong gulang.
Para sa higit pang impormasyon sa (1) aming pagpoproseso ng sensitibong data mula sa natukoy na batang wala pang 13 taong gulang, pakitingnan ang Seksyon 2 (Paano Namin Pinoproseso ang Impormasyon ng Mga Bata?); (2) mga kategorya ng personal na data na ipinoproseso namin, pakitingnan ang Seksyon 3 (Anong Impormasyon ang Kinokolekta Namin at Paano?); (3) aming mga layunin sa pagpoproseso ng personal na data, pakitingnan ang Seksyon 4 (Bakit Namin Ipinoproseso ang Impormasyon?); at (4) mga kategorya ng mga third party kung kanino namin inihahayag ang personal na data at mga kategorya ng personal data na inihayag namin, pakitingnan ang Seksyon 5 (Kanino Namin Inihahayag ang Impormasyon?).
C. Paggamit ng Iyong Mga Karapatan sa Pagkapribado
Upang magamit ang iyong mga karapatan sa pagkapribado, makipag-ugnayan sa amin gamit ang impormasyon sa pakikipag-ugnayan na nakalista sa Seksyon 12 (Paano Ka Maaaring Makipag-ugnayan sa Amin?). Ikaw lang (o ang isang awtorisadong kinatawan sa ngalan ng isang residente ng California) ang maaaring magsumite ng nave-verify na kahilingan, na may kasama dapat na sapat na impormasyon para makumpirma namin ang iyong pagkakakilanlan at maunawaan namin ang kahilingan. Kung mayroon kang Epic account, maaari naming hilingin sa iyo na mag-log in upang ma-verify ang pagkakakilanlan mo. Ang mga awtorisadong ahente ng mga residente sa California ay dapat magsama ng nakasulat na pahintulot na nilagdaan ng residente, na maaaring kinakailangan ding direktang mag-verify ng kanyang pagkakakilanlan. Maaaring tanggihan ang mga kahilingan kung hindi namin mave-verify ang iyong pagkakakilanlan o awtoridad. Maaaring isumite ang mga apela gamit ang parehong impormasyon sa pakikipag-ugnayan na nakalista sa Seksyon 12 (Paano Ka Maaaring Makipag-ugnayan sa Amin?)
Hindi ka namin ididiskrimina nang dahil sa paggamit mo ng alinman sa iyong mga karapatan sa pagkapribado sa ilalim ng naaangkop na batas.
Ang General Data Protection Regulation (GDPR), kasama ng mga katulad na batas sa United Kingdom (UK) at Switzerland, ay nag-aatas sa amin na magbigay sa mga indibidwal na nasa European Economic Area (EEA), UK, o Switzerland ng impormasyon tungkol sa kanilang personal na data sa ibang format. Ang mga terminong ginagamit sa section na ito ay tinukoy ng GDPR.
Kung ikaw ay nasa EEA, UK, o Switzerland, may karapatan kang:
Maaari kaming humingi ng karagdagang impormasyon upang ma-verify ang iyong pagkakakilanlan bago tuparin ang kahilingan sa mga karapatan. Maaari din naming limitahan ang aming tugon sa ilang partikular na sitwasyon, pati na kapag:
Mayroon ka ring karapatang gumawa ng reklamo sa iyong lokal na awtoridad sa pangangasiwa sa proteksyon ng data (pakitingnan ang mga link sa ibaba) o direktang makipag-ugnayan sa amin para sa anumang reklamo (pakitingnan ang Seksyon 12 (Paano Ka Maaaring Makipag-ugnayan sa Amin?)). Ikinalulugod naming mabigyan ng pagkakataong tugunan muna ang iyong mga isyu.
Ang mga legal na basehan na ginagamit namin upang iproseso ang iyong personal na data ay nakadepende sa Mga Serbisyo ng Epic na ginagamit mo at kung paano ka nakikipag-ugnayan sa mga ito. Ang mga legal na basehang ito ay:
Para sa higit pang impormasyon tungkol sa kung paano nalalapat ang mga legal na basehang ito sa iba’t ibang layunin ng pagpoproseso, pakitingnan ang Seksyon 4 (Bakit Namin Ipinoproseso ang Impormasyon?).
A. Mga Kahilingan sa Suporta
Kung mayroon kang mga tanong o alalahanin tungkol sa Mga Serbisyo ng Epic (hal., mga isyu kaugnay ng isang laro, pag-access ng iyong Epic account, mga bug, mga pagbabayad, content, o mga entitlement), makipag-ugnayan sa nauugnay na channel ng suporta sa pamamagitan ng mga link na ibinigay sa ibaba.
• Fortnite
• Rocket League
• Fall Guys
• Epic Games Store
• Fab
• Unreal Engine
B. Mga Kahilingan sa Pagkapribado
Kung gusto mong malaman pa ang tungkol sa aming mga kagawian sa pagkapribado o sa Patakarang ito, o gusto mong gamitin ang iyong mga karapatan bilang data subject, mangyaring magpadala ng email sa [email protected] o [email protected]. Maaari ka ring makipag-ugnayan sa amin sa pamamagitan ng email o postal mail (na minarkahang “Attn: Legal Department”) gamit ang impormasyon sa pakikipag-ugnayan na nakalista sa ibaba para sa entity na responsable sa pagbibigay ng mga naaangkop na Serbisyo ng Epic.
• Fortnite: Epic Games, Inc. (para sa mga residente ng US) o Epic Games Entertainment International GmbH (para sa mga hindi residente ng US)
• Rocket League: Psyonix LLC
• Fall Guys: Epic Games, Inc.
• Horizon Chase 2: Aquiris Game Studio LLC
• Rock Band: Harmonix Music Systems, Inc.
• Epic Games Store at Fab: Epic Games, Inc. (para sa mga residente ng US) o Epic Games Commerce GmbH (para sa mga hindi residente ng US)
• Unreal Engine at MetaHuman: Epic Games, Inc. (para sa mga residente ng US) o Epic Games Commerce GmbH (para sa mga hindi residente ng US)
• Unreal Editor Para sa Fortnite: Epic Games, Inc. (para sa mga residente ng US) o Epic Games Entertainment International GmbH (para sa mga hindi residente ng US)
• Postparty: Life on Air Inc.
• Ang aming mga website at mga kaukulang subdomain ng mga ito na naka-link sa Patakarang ito: Epic Games, Inc.
• Iba pang Serbisyo ng Epic: Pakitingnan ang mga nauugnay na tuntunin at kundisyon para sa entity sa paglilisensyang nakalista sa iyong rehiyon
Impormasyon sa Pakikipag-ugnayan
Aquiris Game Studio LLC
Epic Games Commerce GmbH
Epic Games Entertainment International GmbH
Epic Games, Inc.
Harmonix Music Systems, Inc.
Life on Air Inc.
Psyonix LLC